Hosea 3:1-5
3 Na Yehowa toaa so ka kyerɛɛ me sɛ: “San kɔdɔ ɔbea waresɛefo a damfo bi dɔ no,+ sɛnea Yehowa dɔ Israelfo+ bere a wɔdan kodi anyame foforo akyi+ na wɔdɔ bobe tetare no.”+
2 Enti mede nnwetɛbona dunum+ ne atoko homar susukora biako ne fã kɔtɔɔ no.
3 Afei meka kyerɛɛ no sɛ: “Wobɛyɛ me dea nna pii.+ Mmɔ aguaman bio,+ na nkɔ ɔbarima foforo nkyɛn,+ na me nso me ne wo bɛtena.”
4 Na Israelfo bɛtena hɔ nna bebree a wonni ɔhene+ anaa obirɛmpɔn anaa afɔre+ anaa ɔbosom dum anaa asɔfotade+ anaa terafim honi+ biara.
5 Afei Israelfo bɛsan aba abɛhwehwɛ Yehowa wɔn Nyankopɔn+ ne wɔn hene Dawid;+ na wɔde ahopopo bɛba Yehowa nkyɛn+ abɛhwehwɛ ne papayɛ, nna a edi akyiri no mu.+
