Hosea 4:1-19
4 O Israelfo, muntie Yehowa asɛm, na Yehowa ne asase no sofo anya asɛm,+ efisɛ nokware+ ne adɔe ne Onyankopɔn ho nimdeɛ nni asase no so.+
2 Nnome+ ne nnaadaa+ ne awudi+ ne korɔnbɔ+ ne awaresɛe+ adɔɔso, na wɔde mogyahwiegu atoatoa mogyahwiegu so.+
3 Enti asase no bedi awerɛhow,+ na ɛsotefo ne wuram mmoa ne wim nnomaa nyinaa bɛsɛe, na po mu mpataa nso bewuwu.+
4 “Nanso mma obi ne obi nnni asi,+ na mma obi nnka obi anim, efisɛ wo man te sɛ wɔn a wɔne ɔsɔfo di asi.+
5 Na wubehintiw awia ketee,+ na odiyifo ne wo behintiw te sɛ anadwo.+ Na metwa wo maame afi hɔ.+
6 Me man bɛyera efisɛ nimdeɛ abɔ wɔn.+ Na wo nso, nimdeɛ a woapo nti,+ me nso mɛpo wo sɛ me sɔfo;+ na esiane sɛ wo werɛ afi wo Nyankopɔn mmara nti,+ me nso me werɛ befi wo mma.+
7 Sɛnea wɔn dodow te no, saa ara na wɔyɛ me bɔne.+ M’anuonyam ankasa, wɔadan no ahohora.+
8 Me man bɔne ho na wodidi, na wɔn amumɔyɛ yɛ wɔn kra akɔnnɔ.+
9 “Na nea ɛbɛto ɔman no ara na ɛbɛto ɔsɔfo;+ na mɛma wɔabu wɔn akwan ho akontaa+ na wɔn nneyɛe abua wɔn ti so.+
10 Wobedidi nanso wɔremmee,+ na wɔne mmea bɛyɛ adapaade sɛ nguaman, nanso wɔn ase rentrɛw,+ efisɛ wommu Yehowa bio.+
11 Aguamammɔ ne nsã ne nsã dɔkɔdɔkɔ sɛe adwempa.+
12 Wɔn dua+ bosom nkyɛn na me man kɔ abisa,+ na wɔn poma kasa kyerɛ wɔn, efisɛ aguamammɔ honhom ama wɔayera,+ na aguamammɔ ama wɔafi wɔn Nyankopɔn ase.+
13 Wɔbɔ afɔre wɔ mmepɔw so,+ na wɔma wɔn afɔrebɔde tu wusiw wɔ nkoko so,+ dupɔn ne duafufu ne dua kɛse ase, efisɛ ne nwini ye.+ Enti mo mmabea bɔ aguaman na mo sewnom sɛe aware.
14 “Meremmu mo mmabea atɛn wɔn aguamammɔ ho, na meremmu mo sewnom atɛn wɔn awaresɛe ho, efisɛ mmarima no ne nguaman na ɛbɔ,+ na wɔne asɔrefie nguaman+ bɔ afɔre; enti wobetiatia ɔman a wonni ntease so.+
15 O Israel, sɛ worebɔ w’aguaman a,+ hwɛ na woamma Yuda anni fɔ.+ Monnkɔ Gilgal+ na mommforo nnkɔ Bet-Awen,+ na monnka ntam sɛ, ‘Sɛ Yehowa te ase yi!’+
16 Israel adan otuatewfo te sɛ nantwi a wasorow.+ Afei na Yehowa rebɛhwɛ wɔn te sɛ oguammaa wɔ beae a ɛtrɛw anaa?
17 Efraim ne abosom na ɛbɔ.+ Enti munnyaa no!+
18 Wɔanom wɔn nsã ma asa;+ afei wɔne mmea bɛyɛ adapaade sɛ nguaman.+ N’akyɛm*+ pɛ animguasede.+
19 Mframa de ne ntaban behwim no akɔ.+ Na wɔn ani bewu wɔn afɔre ho.”+
Ase Hɔ Nsɛm
^ Ɛkyerɛ n’atumfoɔ anaa wɔn a wɔbɔ ne ho ban.
