Hosea 9:1-17
9 “Israel, nni ahurusi.+ Mma w’ani nnnye te sɛ aman a aka no,+ efisɛ woafi wo Nyankopɔn akyi akɔbɔ aguaman.+ Na wo kɔn dɔ aguaman akatua wɔ awiporowbea nyinaa.+
2 Awiporowbea ne nsã-kyi-amoa mma wɔn hwee,+ na nsã foforo di wɔn huammɔ.+
3 Wɔrenkɔ so ntena Yehowa asase so,+ na Efraim bɛsan akɔ Egypt+ na wobedi nea ɛho ntew wɔ Asiria.+
4 Wɔrenhwie nsã mma Yehowa bio,+ na n’ani rensɔ wɔn afɔre.+ Ɛbɛyɛ sɛ ayi bere mu aduan+ ama wɔn, na obiara a obedi bi no ho begu fĩ. Wɔn aduan bɛyɛ wɔn ankasa kra dea, na ɛremma Yehowa fie.+
5 Nhyiam da ne Yehowa afahyɛ da no, dɛn na mobɛyɛ?+
6 Hwɛ, ɔsɛe nti wɔbɛkɔ.+ Egypt bɛboa wɔn ano+ na Memfis+ asie wɔn. Nsasono bɛfa wɔn dwetɛ amapa+ na nsɔe afa wɔn ntamadan.+
7 “Nsrahwɛ nna no bɛba,+ akontaabu nna no bɛba,+ na Israelfo behu.+ Odiyifo no bɛyɛ ɔkwasea,+ na esiane mo bɔne ne ɔtan bebrebe nti, nea ɔka honhom mu nsɛm no bɛbɔ dam.”+
8 Ná Efraim ɔwɛmfo+ no wɔ me Nyankopɔn nkyɛn.+ Na odiyifo no de,+ anomaayifo afiri wɔ n’akwan nyinaa mu,+ na ɔtan wɔ ne Nyankopɔn fie.
9 Wɔama wɔn sɛe ayɛ kɛse+ te sɛ Gibea nna no mu.+ Ɔbɛkae wɔn amumɔyɛ,+ na ɔbɛdan n’ani aba wɔn bɔne so.
10 “Mihuu Israel sɛ sare so bobe.+ Mihuu mo agyanom sɛ borɔdɔma dua a asow n’aba a edi kan.+ Wɔde wɔn ho maa Baal-Peor,+ na wohyiraa wɔn ho so maa aniwude,+ na wɔn ho yɛɛ abofono te sɛ ade a wɔdɔ no no ara.+
11 Efraim anuonyam betu akɔ sɛ anomaa;+ obiara renwo, ɔremfa yafunu, na ɔrennyinsɛn.+
12 Na sɛ wɔhwɛ wɔn mma ma wonyin mpo a, mɛma wɔadi awommawu, na ɔbarima biara renka wɔ hɔ.+ Na sɛ medan me ho fi wɔn ho a, wonnue!+
13 Mihuu Efraim sɛ Tiro a wɔatɛw wɔ mmoa adidibea,+ nanso Efraim beyi ne mma ama okumfo.”+
14 O Yehowa, nea wode bɛma wɔn no, fa ma wɔn.+ Ma wɔn yafunu a ɛpɔn+ ne nufu a atwintwam.
15 “Wɔn nnebɔne nyinaa sii wɔ Gilgal,+ enti ɛhɔ na na ɛsɛ sɛ metan wɔn.+ Wɔn amumɔyɛ nti mɛpam wɔn afi me fie.+ Na merenkɔ so nnɔ wɔn bio.+ Hwɛ, wɔn abirɛmpɔn nyinaa asinsen wɔn kɔn.+
16 Wobɛbɔ Efraim ato hɔ.+ Wɔn ntini betwintwam,+ na wɔrensow aba biara.+ Na sɛ wɔwo mpo a, mekum wɔn yafunum mma a wɔdɔ wɔn no.”+
17 Me Nyankopɔn+ bɛpo wɔn, efisɛ wɔantie no,+ na wɔbɛbɔ asesa wɔ amanaman no mu.+
