Kwadwom 2:1-22
א [ʼAʹleph]
2 O hwɛ sɛnea Yehowa abufuw akata Sion so sɛ omununkum!+Watow Israel ahoɔfɛ+ fi ɔsoro ahwe fam.+Wankae ne nan ntiaso+ n’abufuw da no.
ב [Behth]
2 Yehowa amene Yakob tenabea, wanhu mmɔbɔ.+Wadwiriw Yuda babea nkurow dennen agu fam,+ n’abufuw mu.Ɔde no ato fam,+ na wagu n’ahenni+ ne ne mpanyimfo ho fĩ.+
ג [Giʹmel]
3 N’abufuw mu na watwitwa Israel mmɛn nyinaa agu.+Wayi ne nsa nifa ato n’akyi, yɛn atamfo anim;+Na wadɛw wɔ Yakob so sɛ ogya a ɛrehyew hyia.+
ד [Daʹleth]
4 Wakuntun n’agyan mu sɛ ɔtamfo.+ Wayɛ ne nsa nifa+ kradoSɛ ɔsɛefo,+ na okunkum nea ɛyɛ fɛ wɔ nnipa ani so nyinaa.+Wahwie n’abufuw agu Sion ntamadan+ mu sɛ ogya.+
ה [Heʼ]
5 Yehowa ayɛ sɛ ɔtamfo.+ Wamene Israel.+Wamemene n’aban atenten nyinaa;+ wasɛe ne nkurow dennen no.+Wama awerɛhow ne adwotwa abu so wɔ Yuda babea mu.+
ו [Waw]
6 Wabubu ne sese+ basabasa sɛ mfikyifuw.+ Wasɛe n’afahyɛ.Yehowa ama wɔn werɛ afi afahyɛ+ ne homeda wɔ Sion,Na n’abufuw kɛse mu, wammu ɔhene ne ɔsɔfo.+
ז [Zaʹyin]
7 Yehowa atow n’afɔremuka akyene.+ Wahura ne kronkronbea ho.+Ɔde ne tenabea aban no ahyɛ atamfo nsa.+Wɔama wɔn nne so wɔ Yehowa fie sɛ afahyɛ da.+
ח [Chehth]
8 Yehowa abɔ ne tirim sɛ ɔbɛsɛe Sion babea afasu.+Watwe susuhama+ mu. Onyii ne nsa mfii ɔsɛe ho.+Wama mpempe ne ɔfasu redi awerɛhow.+ Ne nyinaa agyigya.
ט [Tehth]
9 N’aponkɛse+ amemem kɔ asase yam. Wasɛe ne mmeamu abubu mu.Ne hene ne ne mpanyimfo wɔ amanaman no mu.+ Mmara bi nni hɔ.+N’adiyifo nso nnyaa anisoadehu bi mfii Yehowa hɔ.+
י [Yohdh]
10 Sion babea mpanyimfo tete fam, na wɔayɛ komm wɔ hɔ.+Wɔde dɔte agu wɔn atifi.+ Wofurafura atweaatam.+Yerusalem mmaabun ti sisi fam.+
כ [Kaph]
11 Nusu ama m’aniwa abrɛ.+ Me nsono mu hyehye me.+Me man babea asehwe nti,+ wɔahwie me berɛbo agu fam,+Efisɛ mmofra ne nkokoaa atotɔ piti wɔ kurow mmɔnten so.+
ל [Laʹmedh]
12 Piti a wɔtotɔ wɔ kurow mmɔnten so sɛ atɔfoNe wɔn kra a wɔrehwie gu wɔn maamenom kokom nti,Wobisa wɔn maamenom sɛ: “Ɛhe na aduan ne bobesa wɔ?”+
מ [Mem]
13 O Yerusalem babea, dɛn na memfa nyɛ adanse mma wo? Dɛn ho na memfa wo ntoto?+O Sion babea, ɔbaabun, dɛn na memma ɛne wo nsɛ na menkyekye wo werɛ?+W’asehwe+ sõ sɛ ɛpo. Hena na obetumi asa wo yare?+
נ [Nun]
14 Ahuhude ne nnaadaa anisoade na w’adiyifo hu maa wo,+Wɔanyi wo mfomso adi ankyerɛ wo, anka woankɔ nkoasom mu.+Ahuhude ne nnaadaa atemmu na wohu maa wo.+
ס [Saʹmekh]
15 Wɔn a wotwam ɔkwan so nyinaa bobɔ wɔn nsam+ gu wo so.Wɔabɔ hwirema+ awosow wɔn ti+ agu Yerusalem babea so sɛ:“Kurow a anka wɔfrɛ no ‘Ahoɔfɛ a ewie pɛyɛ, asase nyinaa anika’ no ni?”+
פ [Peʼ]
16 W’atamfo nyinaa abue wɔn anom wɔ wo so.+Wɔbɔ hwirema, na wɔtwɛre wɔn sẽ.+ Wɔka sɛ: “Yɛbɛmene no.+Ɛda a yɛhwɛɛ kwan no ni.+ Yɛanya! Yɛahu!”+
ע [ʽAʹyin]
17 Yehowa ayɛ nea osusuwii no.+ Wawie nea ɔkae no,+Nea ofi tete nna mu hyɛe no.+ Wadwiriw agu, na wanhu mmɔbɔ.+Wo so na wama ɔtamfo adi ahurusi.+ Wama w’atamfo mmɛn so kɔ soro.+
צ [Tsa·dhehʹ]
18 O Sion babea fasu,+ wɔn koma asu afrɛ Yehowa.+Ma nusu nsen awia ne anadwo sɛ asubɔnten.+Ntena hɔ dinn. Mma w’ani kesua nnyɛ komm.
ק [Qohph]
19 Sɔre! Bɔ abubuw anadwo awɛmfo dɔn+ mfiase.Hwie wo koma gu+ Yehowa anim+ sɛ nsu.Ma wo nsa so kyerɛ ɔsoro,+ wo mma kra nti,Wɔn a mmɔnten ntwea so kɔm ama wɔatotɔ piti no nyinaa nti.+
ר [Rehsh]
20 O Yehowa, hwɛ na hu+ nea wo ne no adi no yayaayaw saa no.So ɛsɛ sɛ mmea we wɔn yafumma, wɔn mma ahoɔdenfo a wɔawo wɔn no?+Anaa Yehowa kronkronbea hɔ na ɛsɛ sɛ wokum ɔsɔfo ne odiyifo?+
ש [Shin]
21 Mmarimaa ne nkwakoraa+ deda fam mmɔnten so.+Me mmaabun ne me mmerante atotɔ nkrante ano.+W’abufuw da na wukum wɔn.+ Woakunkum wɔn;+ woanhu mmɔbɔ.+
ת [Taw]
22 Woafrɛfrɛ wɔn afi faako a wɔkɔsoɛe nyinaa aba sɛ afahyɛ da.+Yehowa abufuw da no, obi amfi mu amfi, na obi anka;+Ahoɔdenfo a mewoo wɔn na meyɛn wɔn no, m’atamfo ama wɔn ase ahyew.+
