Nehemia 12:1-47
12 Eyinom ne asɔfo ne Lewifo a wɔne Sealtiel+ ba Serubabel+ ne Yesua+ kɔe no: Seraia, Yeremia, Esra,
2 Amaria,+ Maluk, Hatus,
3 Sekania, Rehum, Meremot,
4 Ido, Ginetoi, Abia,
5 Miyamin, Maadia, Bilga,
6 Semaia+ ne Yoiarib, Yedaia,+
7 Salu, Amok,+ Hilkia, Yedaia.+ Eyinom ne asɔfo no mu atitiriw ne wɔn nuanom, Yesua+ bere so.
8 Lewifo no ne Yesua,+ Binui,+ Kadmiel,+ Serebia, Yuda ne Matania+ a odi aseda nnwom anim, ɔne ne nuanom.
9 Ná wɔn nuanom Bakbukia ne Uni ne wɔn di nhwɛanim, awɛmfo adwuma mu.
10 Yesua na ɔwoo Yoiakim,+ na Yoiakim woo Eliasib,+ na Eliasib nso woo Yoiada.+
11 Yoiada na ɔwoo Yonatan, na Yonatan nso woo Yadua.+
12 Yoiakim bere so no, na asɔfo a wɔyɛ agyanom mmusua mu atitiriw+ wɔ hɔ: Seraia+ abusua mu, Meraia; Yeremia abusua mu, Hanania;
13 Esra+ abusua mu, Mesulam; Amaria abusua mu, Yehohanan;
14 Maluki abusua mu, Yonatan; Sebania+ abusua mu, Yosef;
15 Harim+ abusua mu, Adna; Meraiot abusua mu, Helkai;
16 Ido abusua mu, Sakaria; Gineton abusua mu, Mesulam;
17 Abia+ abusua mu, Sikri; Miniamin abusua mu, ——; Moadia abusua mu, Piltai;
18 Bilga+ abusua mu, Sammua; Semaia abusua mu, Yehonatan;
19 Yoiarib abusua mu, Matenai; Yedaia+ abusua mu, Usi;
20 Salai abusua mu, Kalai; Amok abusua mu, Eber;
21 Hilkia abusua mu, Hasabia; Yedaia+ abusua mu, Netanel.
22 Lewifo a na wɔwɔ Eliasib+ ne Yoiada+ ne Yohanan ne Yadua+ bere so, ne asɔfo no, wɔkyerɛw wɔn din sɛ agyanom mmusua mu atitiriw, de besii Persiani Dario ahenni so.
23 Wɔkyerɛw Lewi mma a na wɔyɛ agyanom mmusua mu atitiriw+ no din wɔ abakɔsɛm nhoma mu de besii Eliasib ba Yohanan so.
24 Lewifo mu atitiriw no ne Hasabia ne Serebia+ ne Kadmiel+ ba Yesua, ne wɔn nuanom a wɔne wɔn di nhwɛanim to ayeyi ne aseda dwom sɛnea nokware Nyankopɔn nipa Dawid ahyɛde+ te no; awɛmfo kuw biako gyina ɔfã ha a, na awɛmfo kuw biako nso gyina ɔfã ha.
25 Ná Matania+ ne Bakbukia, Obadia, Mesulam, Talmon, ne Akub+ yɛ apon ano ahwɛfo,+ wɔn na wɔwɛn pon ano adekora adan no.
26 Eyinom na na wɔwɔ hɔ Yosadak+ ba Yesua+ ba Yoiakim+ bere so, ne amrado Nehemia+ ne ɔsɔfo Esra,+ ɔkyerɛwfo*+ no, bere so.
27 Na bere a wɔrehyira+ Yerusalem ɔfasu no so no, wɔhwehwɛɛ Lewifo no wɔ wɔn tenabea nyinaa sɛ wɔde wɔn reba Yerusalem ma wɔde aseda+ ne nnwonto,+ ne nnawuta+ ne asanku+ ahorow abedi ahurusi ahyira so.
28 Ɛnna nnwontofo mma no boaboaa wɔn ho ano Ɔmantam+ no mu fii Yerusalem ho nkurow nyinaa mu ne Netofafo+ nkuraa ase,
29 ne Bet-Gilgal+ ne Geba+ ne Asmawet+ mfuw mu, efisɛ na nnwontofo no akyekye nkuraa+ atwa Yerusalem ho ahyia.
30 Ɛnna asɔfo ne Lewifo no dwiraa+ wɔn ho, na wodwiraa ɔman+ no ne kurow apon+ ne ɔfasu+ no ho.
31 Afei mede Yuda mmapɔmma+ no baa ɔfasu no so. Na mehyehyɛɛ aseda nnwontofo+ akuw abien a wɔato santen; kuw biako de wɔn ani kyerɛɛ nifa so wɔ ɔfasu no so kɔɔ Sumina Pon+ no ano.
32 Na Hosaia ne Yuda mmapɔmma no fã dii wɔn akyi.
33 Wɔn a na wɔka wɔn ho ne: Asaria, Esra ne Mesulam,
34 Yuda ne Benyamin ne Semaia ne Yeremia;
35 asɔfo no mma mu nso, wɔn a na wɔka wɔn ho a wokurakura ntorobɛnto+ ne Sakaria, Yonatan ba, Semaia ba, Matania ba, Mikaia ba, Sakur+ ba, Asaf+ ba,
36 ne ne nuanom Semaia ne Asarel, Milalai, Gilalai, Maai, Netanel ne Yuda, Hanani, a na wokurakura nokware Nyankopɔn nipa Dawid nnwom asanku+ no; ná ɔkyerɛwfo Esra+ di wɔn anim.
37 Wofi Nsuaniwa Pon+ no ho kɔɔ wɔn anim tẽẽ foroo ɔfasu no de twaa Dawid Kurow+ Antweri+ no faa Dawid Fie atifi kosii Nsu Pon+ no apuei.
38 Aseda nnwontofo+ kuw biako no nso dii anim, na midii wɔn akyi, ne ɔman no fã, faa ɔfasu no so kɔfaa Fononoo Abantenten+ no atifi kosii Ɔfasu Tɛtrɛɛ+ no so,
39 de kɔfaa Efraim Pon+ no atifi ne Kurow Dedaw Pon+ ne Mpataa Pon+ ne Hananel Abantenten+ ne Mea Abantenten+ no so kɔɔ Nguanten Pon+ no ho, na wokogyinagyinaa Ɔwɛmfo Pon no ano.
40 Ɛnna aseda nnwontofo+ akuw abien no begyinagyinaa nokware Nyankopɔn no fie hɔ;+ me nso mebaa hɔ, me ne asoafo+ no fã,
41 ne asɔfo Eliakim, Maaseia, Miniamin, Mikaia, Elioenai, Sakaria, Hanania a wokurakura ntorobɛnto no,+
42 ne Maaseia ne Semaia ne Eleasar ne Usi ne Yehohanan ne Malkiya ne Elam ne Eser. Nnwontofo a Yesrahia da wɔn ano no ma wɔtee wɔn nka.+
43 Na wɔbobɔɔ afɔre akɛse+ saa da no na wodii ahurusi+ efisɛ nokware Nyankopɔn no maa wɔn ani gyei kɛse.+ Mmea+ ne mmofra+ no nso dii ahurusi ma wɔtee Yerusalem ahurusidi no wɔ akyirikyiri.+
44 Na ɛda no ara wɔde mmarima sisii adekoradan+ ne afɔrebɔde+ ne nnɔbae a edi kan+ ne ntotoso du du+ so, sɛ wonnyigye asɔfo ne Lewifo+ no kyɛfa a mmara kyerɛ+ no mfi nkurow no mfuw mu nkogu hɔ; asɔfo ne Lewifo+ a na wɔresom no nti, Yuda dii ahurusi.
45 Wɔhwɛ yɛɛ wɔn asɛde+ wɔ wɔn Nyankopɔn anim na wɔyɛɛ ahodwira+ ho asɛde no nso; nnwontofo+ ne apon ano ahwɛfo+ no nso yɛe sɛnea Dawid ne ne ba Solomon hyɛe no.
46 Dawid ne Asaf mmere a abɛsen kɔ no mu no, na wɔwɔ nnipa a wɔdeda nnwontofo ano+ ma wɔto ayeyi ne aseda dwom ma Onyankopɔn.+
47 Serubabel+ nna no mu ne Nehemia+ nna no mu no, Israel nyinaa de nnwontofo+ ne apon ano ahwɛfo+ kyɛfa maa wɔn sɛnea wobehia no da biara, na wohyiraa so maa Lewifo no,+ na Lewifo no nso hyiraa so maa Aaron mma no.
