Dwom 10:1-18
ל [Laʹmedh]
10 O Yehowa, dɛn nti na wugyina akyirikyiri?+Dɛn nti na wode wo ho hintaw ahohia bere mu?+
2 Ahantan nti nnebɔneyɛfo tiw mmɔborɔni denneennen;+Wɔde wɔn tirimbɔ kyere mmɔborɔni.+
3 Ɔdebɔneyɛfo hoahoa ne ho adebɔne a ne kra kɔn dɔ ho,+Na nea ɔpɛ mfaso bɔne+ no hyira ne ho;
נ [Nun]Wabu Yehowa animtiaa.+
4 Ɔdebɔneyɛfo ahomaso nti, ɔnhwehwɛ Onyankopɔn;+Ne tirim adwene nyinaa ne sɛ: “Onyankopɔn biara nni hɔ.”+
5 N’akwan si no yiye daa nyinaa.+W’atemmusɛm wɔ soro dodo ma no;+Wɔn a wɔtan no nyinaa, obu wɔn animtiaa.+
6 Ɔka ne komam sɛ: “Merenhim ara da;+Mmusu biara remma me so awo ntoatoaso akyi awo ntoatoaso mu.”+
פ [Peʼ]
7 Ntanka ne nnaadaa ne amimdi ahyɛ n’anom ma.+Ɔhaw ne bɔne hyɛ ne tɛkrɛma ase.+
8 Ɔtenatena nkuraa ahintawee mu;Ofi ahintawee mu kum nea ne ho nni asɛm.+
ע [ʽAʹyin]N’aniwa kyin hwehwɛ nea n’asɛm ayɛ mmɔbɔ.+
9 Ɔtetɛw ahintawee mu sɛ gyata a watɛw wɔ wuram.+Ɔtɛw+ sɛ ɔbɛtow akyere mmɔborɔni de no akɔ.Ɔtwetwe n’atena, na ɔde kyere mmɔborɔni kɔ.+
10 Obubu mmɔborɔni ma ɔkotow,Na ɔde ne nsa a emu yɛ den no so wɔn a wɔabotow dɔm mu.+
11 Ɔka ne komam sɛ:+ “Onyankopɔn werɛ afi.+Wayi n’ani ato nkyɛn.+Na ɔrenhu da.”+
ק [Qohph]
12 O Yehowa, sɔre ɛ.+ Onyankopɔn, ma wo nsa so ɛ.+Mma wo werɛ mmfi mmɔborɔni.+
13 Dɛn nti na ɔdebɔneyɛfo bu Onyankopɔn animtiaa?+Ɔka ne komam sɛ: “Woremmu atɛn.”+
ר [Rehsh]
14 Wo na wohwɛ ɔhaw ne ateetee.Wohwɛ sɛ wo nsa bɛka wɔn.+
Wo na agyanka mmɔborɔni+ de ne ho to wo so.Ne boafo ne wo.+
ש [Shin]
15 Bubu ɔdebɔneyɛfo ne omumɔyɛfo basa.+Hwehwɛ n’amumɔyɛ mu kosi sɛ wunhu bio.+
16 Yehowa yɛ Ɔhene kosi mmeresanten, kosi daa.+Amanaman no ayera afi asase so.+
ת [Taw]
17 Ahobrɛasefo sufrɛ de, O Yehowa, wubetie.+Wubesiesie wɔn koma.+Wobɛyɛ aso,+
18 Na woadi agyanka ne ɔwerɛhoni asɛm ama wɔn,+Na onipa desani a ofi asase mu anhunahuna wɔn bio.+
