Dwom 107:1-43
(Nnwom 107 – 150)
107 Monna Yehowa ase, efisɛ oye,+Na n’adɔe wɔ hɔ daa.+
2 Momma wɔn a Yehowa agye wɔn no nka saa;+Wɔn a wagye wɔn afi ɔtamfo nsam no,+
3 Wɔn a waboaboa wɔn ano afi nsase no so,+Fi apuei ne atɔe,+Ne atifi ne anafo no.+
4 Wokyinkyin sare so,+ kwayow so;+Wɔanhu ɔkwan a ɛde wɔn bɛkɔ kurow a wɔbɛtena so no mu.+
5 Ɔkɔm dee wɔn, na osukɔm nso dee wɔn;+Wɔn kra totɔɔ piti.+
6 Wɔn ahohia mu, wosu frɛɛ Yehowa mpɛn pii;+Na ogyee wɔn fii ahokyere no mu,+
7 Ɔde wɔn faa ɔkwantrenee so,+Na ama wɔatumi akɔ kurow a wɔbɛtena so no mu.+
8 Momma wɔnna Yehowa ase, n’adɔe+Ne anwonwadwuma a wayɛ ama nnipa mma nti.+
9 Wama ɔkra a osukɔm de no amee;+Na ɔde nnepa ahyɛ ɔkra a ɔkɔm de no ma.+
10 Wɔtenatenaa esum ne esum kabii mu,+Wɔyɛɛ nneduafo a wɔwɔ amanehunu ne dade nkɔnsɔnkɔnsɔn mu.+
11 Efisɛ wɔtew Onyankopɔn asɛm+ so atua;+Na wobuu Ɔsorosoroni no afotu animtiaa.+
12 Enti ɔde ɔhaw brɛɛ wɔn koma ase;+Wɔhwee ase na wɔannya ɔboafo biara.+
13 Ɛnna wosu frɛɛ Yehowa wɔn ahohia mu;+Na ɔsan gyee wɔn fii ahokyere mu bio.+
14 Oyii wɔn fii esum ne esum kabii mu;+Ɔtetew nhama a ɛkyekyere wɔn no mu.+
15 Momma wɔnna Yehowa ase, n’adɔe+Ne anwonwadwuma a wayɛ ama nnipa mma nti.+
16 Wabubu kɔbere apon,+Na watwitwa adaban mu.+
17 Wɔn a wɔn mmarato ne wɔn mfomso ntiWɔbɛyɛɛ nkwasea no,+ amanehunu na wɔde baa wɔn ho so,+
18 Wɔn kra kyii aduan biara,+Na wɔbɛn owu apon ano.+
19 Ɛnna wosu frɛɛ Yehowa wɔn ahohia mu;+Na ɔsan gyee wɔn fii ahokyere no mu bio.+
20 Ɔkasae ma wonyaa ayaresa+De gyee wɔn fii amoa mu.+
21 Momma wɔnna Yehowa ase, n’adɔe+Ne anwonwadwuma a wayɛ ama nnipa mma nti.+
22 Momma wɔmfa aseda mmɔ Onyankopɔn afɔre+Na wɔmfa ahurusi nka ne nnwuma ho asɛm.+
23 Wɔn a wɔde ahyɛn kɔ po so+A wɔyɛ adwuma wɔ nsu akɛse so no,+
24 Wɔn na wɔahu Yehowa nnwuma+Ne n’anwonwadwuma wɔ subun mu;+
25 Sɛnea ɔkasa ma ahum tu+Na asorɔkye bɔ no.+
26 Wɔkɔ sorosoro,Na wosian ba fam.Ahohia no nti wɔn kra nan.+
27 Wɔtɔ ntintan te sɛ ɔsabofo,+Na wɔn nyansa nyinaa tu yera.+
28 Ɛba saa a wosu frɛ Yehowa wɔn ahohia mu;+Na ogye wɔn fi ahokyere mu.+
29 Ɔma ahum no yɛ dinn,+Na po asorɔkye no yɛ komm.+
30 Wodi ahurusi sɛ ayɛ komm,Na ɔde wɔn kɔ beae a wɔpɛ sɛ wɔkɔ no ma wɔn ani gye.+
31 Momma wɔnna Yehowa ase, n’adɔe+Ne anwonwadwuma a wayɛ ama nnipa mma nti.+
32 Wɔnkamfo no asafo ahyiae mu;+Wonyi no ayɛ mpanyin guabɔ mu.+
33 Ɔma nsubɔnten dan sare so,+Na nsuti dan kwayow,+
34 Ɔma asase pa dan nkyene kurow,+Wɔn a wɔtete hɔ no bɔne nti.
35 Ɔma sare so dan ɔtare,+Na kwayow dan nsuti.+
36 Ɛhɔ na ɔma wɔn a ɔkɔm de wɔn tena,+Na ama wɔakyekye kurow atena mu.+
37 Wɔyɛ mfuw, na wɔyeyɛ bobe nturo,+Na ama wɔanya nnɔbae pii.+
38 Ohyira wɔn ma wɔyɛ bebree;+Na ɔmma wɔn afieboa dodow so ntew.+
39 Nanso nhyɛso ne ɔhaw ne awerɛhow nti,+Wɔn dodow so tew na wɔbrɛ wɔn ase bio.+
40 Ɔde animtiaabu gu atitiriw so,+Na ɔma wokyinkyin kwayow so, baabi a ɔkwan nni.+
41 Nanso ɔbɔ ohiani ho ban fi amanehunu mu,+Na ɔma ɔyɛ mmusua sɛ nguankuw.+
42 Treneefo behu na wɔadi ahurusi;+Na amumɔyɛfo de, wɔn nyinaa bɛka wɔn ano atom.+
43 Hena ne onyansafo? Ɔde nneɛma yi bɛto ne tirim,+Na wadwinnwen Yehowa adɔe nnwuma ho.+
