Dwom 114:1-8
114 Bere a Israel fii Egypt,+Na Yakob fie fii ɔman a wɔnte wɔn kasa mu kɔe+ no,
2 Yuda bɛyɛɛ ne kronkronbea,+Na Israel nso bɛyɛɛ ne tumidibea.+
3 Ɛpo hui, na eguanee;+Na Yordan de, ɛsan n’akyi.+
4 Mmepɔw huruhuruwii sɛ adwennini,+Na nkoko nso huruhuruwii sɛ nguammaa.
5 Ɛpo, dɛn na wuhui a enti wuguanee?+Yordan, dɛn na wuhui a enti wosan w’akyi?+
6 Mmepɔw, dɛn na muhui a enti muhuruhuruwii sɛ adwennini?+Nkoko, dɛn na muhui a enti muhuruhuruwii sɛ nguammaa?+
7 O asase, Awurade nti, ma wo ho mpopo,+Yakob Nyankopɔn nti,
8 Ɔno a ɔmaa ɔbotan dan ɔtare,+Na ɔmaa twɛrebo nso dan asuti+ no.
