Dwom 115:1-18
115 Biribiara nyɛ yɛn dea, O Yehowa, biribiara nyɛ yɛn dea;+Wo din na hyɛ no anuonyam+Sɛnea w’adɔe ne wo nokware te.+
2 Dɛn nti na ɛsɛ sɛ amanaman no ka sɛ:+“Wɔn Nyankopɔn no, ɛhe na ɔwɔ?”+
3 Yɛn Nyankopɔn wɔ ɔsoro;+Nea ɛsɔ n’ani biara ɔyɛ.+
4 Wɔn ahoni yɛ dwetɛ ne sika,+Ɔdesani nsa ano adwuma.+
5 Wɔwɔ ano, nanso wɔnkasa;+Wɔwɔ aniwa, nanso wonhu ade;+
6 Wɔwɔ aso, nanso wɔnte asɛm.+Wɔwɔ hwene, nanso wɔnte ade hua.+
7 Wɔwɔ nsa, nanso wɔmfa nso ade mu.+Wɔwɔ nan, nanso wontumi nnantew;+Wɔmfa wɔn menewa nkasa.+
8 Wɔn a wɔyɛ wɔn no bɛyɛ sɛ wɔn ara,+Wɔn a wɔde wɔn ho to wɔn so no nyinaa.+
9 O Israel, momfa mo ho nto Yehowa so;+Ɔno ne mo boafo ne mo kyɛm.+
10 O Aaron fie, momfa mo ho nto Yehowa so;+Ɔno ne mo boafo ne mo kyɛm.+
11 Mo a musuro Yehowa, momfa mo ho nto Yehowa so;+Ɔno ne mo boafo ne mo kyɛm.+
12 Yehowa akae yɛn; obehyira yɛn,+Obehyira Israel fie,+Na obehyira Aaron fie.+
13 Obehyira wɔn a wosuro Yehowa,+Nketewa ne akɛse nyinaa.+
14 Yehowa bɛma mo adɔɔso,+Mo ne mo mma nyinaa.+
15 Mone wɔn a Yehowa ahyira mo;+Ɔno ne ɔsoro ne asase Yɛfo.+
16 Ɔsoro yɛ Yehowa soro,+Na asase de, ɔde ama nnipa mma.+
17 Ɛnyɛ awufo na woyi Yah ayɛ,+Anaa wɔn a wɔkɔhyɛ fam komm no.+
18 Yɛn na yebehyira Yah+Nnɛ akosi mmeresanten.+Munyi Yah ayɛ!+
