Dwom 116:1-19
116 Ɔdɔ ahyɛ me mãEfisɛ Yehowa tie me nne,+ me nkotɔsrɛ no.+
2 Wayɛ aso ama me,+Na mesu mafrɛ no me nkwa nna nyinaa.+
3 Owu nhama twaa me ho hyiae,+Na me ho hiahiaa me sɛnea mewɔ Adamoa* mu.+Ahohia ne awerɛhow annyae me.+
4 Nanso Yehowa din na mebɔe sɛ:+“O Yehowa, gye me kra ɛ!”+
5 Yehowa yɛ ɔdomfo ne ɔtreneeni;+Na yɛn Nyankopɔn ne Nea ohu mmɔbɔ.+
6 Yehowa wɛn wɔn a wonnim hwee.+Mebotowee, na ogyee me nkwa.+
7 O me kra, san kɔ wo homebea,+Na Yehowa ne wo adi no yiye.+
8 Efisɛ woagye me kra afi owu mu,+M’aniwa anhu nusu, na me nan anhintiw.+
9 Mɛnantew+ Yehowa anim, ateasefo nsase so.+
10 Minyaa gyidi,+ na mekasae.+M’ahohia dɔɔso me so.
11 Me de, mekaa no ahopopo mu sɛ:+“Onipa biara yɛ ɔtorofo.”+
12 Dɛn na mede betua Yehowa ka,+Papa a wayɛ me nyinaa ho?+
13 Nkwagye+ kɛse kuruwa no na mɛma so,Na Yehowa din na mɛbɔ.+
14 Metua me bɔhyɛ ade ama Yehowa,+Metua wɔ ne manfo nyinaa anim.
15 Yehowa anokwafo wuYɛ aboɔden, n’ani so.+
16 O Yehowa,+Meyɛ w’akoa.+Meyɛ w’akoa, w’afenaa ba.+Woasan nhama a ɛkyekyere me no.+
17 Wo na mɛbɔ aseda afɔre ama wo,+Na Yehowa din na mɛbɔ.+
18 Metua me bɔhyɛ ade ama Yehowa,+Metua wɔ ne manfo nyinaa anim+
19 Wɔ Yehowa fie adiwo hɔ,+Wɔ wo mfinimfini, O Yerusalem.+Munyi Yah ayɛ!+
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
