Dwom 118:1-29
118 Monna Yehowa ase, efisɛ oye,+Na n’adɔe wɔ hɔ daa.+
2 Momma Israel nka sɛ:“N’adɔe wɔ hɔ daa.”+
3 Momma Aaron fiefo nka sɛ:+“N’adɔe wɔ hɔ daa.”+
4 Momma wɔn a wosuro Yehowa no nka sɛ:+“N’adɔe wɔ hɔ daa.”+
5 M’ahohia mu na mefrɛɛ Yah;+Yah gyee me so, na ɔde me kɔɔ nea ɛhɔ trɛw.+
6 Yehowa wɔ m’afã; merensuro.+Dɛn na onipa desani betumi ayɛ me?+
7 Yehowa wɔ m’afã, m’aboafo mu,+Enti mɛhwɛ nea ɛbɛto m’atamfo.+
8 Eye sɛ obi de Yehowa bɛyɛ ne guankɔbea+Sen sɛ ɔde ne ho bɛto onipa desani so.+
9 Eye sɛ obi de Yehowa bɛyɛ ne guankɔbea+Sen sɛ ɔde ne ho bɛto adehye so.+
10 Amanaman nyinaa twaa me ho hyiae.+Yehowa din mu na mipiaa wɔn gui.+
11 Wotwaa me ho hyiae, wotwaa me ho nyinaa hyiae.+Yehowa din mu na mipiaa wɔn gui.
12 Wotwaa me ho hyiae sɛ nnowa,+Nanso wodumii sɛ nkyɛkyerɛ gya.+Yehowa din mu na mipiaa wɔn gui.+
13 Wosum me sɛnea mɛhwe ase,+Nanso Yehowa na ɔboaa me.+
14 Yah ne me hintabea ne m’ahoɔden,+Na ɔno na wayɛ me nkwagye.+
15 Ahurusi dwom ne nkwagye+Wɔ treneefo+ ntamadan mu.+Yehowa nsa nifa rekyerɛ ne tumi.+
16 Yehowa rema ne nsa nifa so;+Yehowa nsa nifa rekyerɛ ne tumi.+
17 Merenwu; mɛkɔ so atena nkwa mu,+Na maka Yah nnwuma ho asɛm.+
18 Yah teɛɛ me so denneennen,+Nanso wamfa me anhyɛ owu nsa.+
19 Mummue trenee apon mma me.+Mɛfa mu; mɛkamfo Yah.+
20 Eyi ne Yehowa pon.+Treneefo na wɔbɛfa mu.+
21 Mɛkamfo wo, efisɛ wugyee me so,+Na wugyee me nkwa.+
22 Ɔbo a adansifo poe no+Abɛyɛ tweatibo.+
23 Yehowa hɔ na eyi fi;+Ɛyɛ nwonwa yɛn ani so.+
24 Eyi ne da a Yehowa ayɛ;+Yɛn ani begye na yɛadi ahurusi saa da no.+
25 O Yehowa, yɛsrɛ wo, gye yɛn!+O Yehowa, yɛsrɛ wo, ma ensi yɛn yiye!+
26 Nhyira ne Nea ɔreba Yehowa din mu;+Yefi Yehowa fie hyira mo.+
27 Yehowa ne Tweaduampɔn,+Na ɔma yɛn hann.+Monkyekyere nnubaa+ nkɔpem afɔremuka abɛn no so+Wɔ afɔrebɔ santen no mu.+
28 Wone Tweaduampɔn, na mɛkamfo wo;+Me Nyankopɔn ne wo, na mɛma wo so.+
29 Monna Yehowa ase, efisɛ oye,+Na n’adɔe wɔ hɔ daa.+
