Dwom 12:1-8
Wɔde ma dwonkyerɛfo, wɔto no nea ɛto so awotwe so.+ Dawid dwom.
12 O Yehowa, gye me,+ na nokwaredifo asa;+Anokwafo ayera wɔ nnipa mma mu.
2 Nkontomposɛm na wɔkeka kyerɛ wɔn ho;+Wɔde anodɛ+ keka nsɛm a efi koma ntanta+ mu.
3 Yehowa betwa ano a ɛyɛ dɛ nyinaa afi hɔ,Tɛkrɛma a ɛkeka nsɛnkɛse,+
4 Wɔn a wɔka sɛ: “Yɛde yɛn tɛkrɛma bedi nkonim.+Yɛn ano wɔ hɔ yi, hena na obetumi adi yɛn so?”
5 “Mmɔborɔni a wɔhyɛ no so, ne ohiani apinisi+ nti,Mɛsɔre afei,” Yehowa na ose.+“Mɛbɔ ne ho ban wɔ obiara a obu no animtiaa ho.”+
6 Yehowa nsɛm yɛ nsɛm a ɛho tew,+Ɛte sɛ dwetɛ a wɔapa mu wɔ fam fononoo mu, nea wɔayiyi mu mpɛn ason.
7 O Yehowa, wo ankasa wobɛhwɛ wɔn so;+Wobɛkora wɔn mu biara so wɔ awo ntoatoaso yi mu akosi daa.
8 Nnebɔneyɛfo nenam baabiara,Efisɛ wɔkamfo amumɔyɛde wɔ nnipa mma mu.+