Dwom 135:1-21
135 Munyi Yah ayɛ!+Munyi Yehowa din ayɛ,+Yehowa nkoa, munyi no ayɛ,+
2 Mo a mugyina Yehowa fie,+Yɛn Nyankopɔn fie adiwo no.+
3 Munyi Yah ayɛ, efisɛ Yehowa ye.+Monto dwom mma ne din, na ɛyɛ dɛ.+
4 Yah apaw Yakob afa,+Na ɔde Israel ayɛ n’agyapade titiriw.+
5 Me de, minim sɛ Yehowa yɛ kɛse,+Na yɛn Awurade kyɛn anyame nyinaa.+
6 Nea ɛsɔ Yehowa ani biara, wayɛ+Wɔ ɔsoro ne asase so, ɛpo ne subun nyinaa mu.+
7 Ɔma osuwusiw fi asase ano nohoa kɔ soro;+Wayiyi akwan ama osu;+Ɔma mframa bɔ fi n’asan mu,+
8 Ɔno na okunkum Egypt mmakan,+Nnipa ne mmoa nyinaa.+
9 Ɔsomaa sɛnkyerɛnne ne anwonwade baa wo mu, O Egypt;+Ɛbaa Farao ne ne nkoa nyinaa so;+
10 Ɔno na ɔbobɔɔ aman bebree+Na okunkum ahene a wɔyɛ den,+
11 Te sɛ Amorifo hene Sihon+Ne Basan hene Og;+Ɛne Kanaan ahenni nyinaa;+
12 Ɔde wɔn asase mae sɛ agyapade,+Na ɔde yɛɛ ne man Israel agyapade.+
13 O Yehowa, wo din wɔ hɔ kosi daa.+O Yehowa, wo nkae wɔ hɔ fi awo ntoatoaso so kosi awo ntoatoaso so.+
14 Yehowa bedi ne nkurɔfo asɛm ama wɔn,+Na obehu ne nkoa mmɔbɔ.+
15 Amanaman no ahoni yɛ dwetɛ ne sika,+Ɔdesani nsa ano adwuma.+
16 Wɔwɔ ano, nanso wɔnkasa;+Wɔwɔ aniwa, nanso wonhu hwee;+
17 Wɔwɔ asõ, nanso wɔnte hwee.+Ɔhome biara nso nni wɔn anom.+
18 Wɔn a wɔyɛ wɔn no bɛyɛ sɛ wɔn ara,+Obiara a ɔde ne ho to wɔn so no.+
19 O Israel fie, munhyira Yehowa.+O Aaron fie, munhyira Yehowa.+
20 O Lewi fie, munhyira Yehowa.+Mo a musuro Yehowa nyinaa, munhyira Yehowa.+
21 Nhyira nka Yehowa wɔ Sion;+Nea ɔte Yerusalem no.+Munyi Yah ayɛ!+
