Dwom 136:1-26
136 Monna Yehowa ase, efisɛ oye:+Na n’adɔe wɔ hɔ daa;+
2 Monna anyame mu Nyankopɔn no ase:+Na n’adɔe wɔ hɔ daa;+
3 Monna awuranom mu Awurade+ no ase:Na n’adɔe wɔ hɔ daa;+
4 Aseda nka Nea ɔyɛ anwonwade ne nnwuma akɛse no:+Na n’adɔe wɔ hɔ daa;+
5 Aseda nka Nea ɔde nyansa yɛɛ ɔsoro no:+Na n’adɔe wɔ hɔ daa;+
6 Aseda nka Nea ɔde asase tim nsu so no:+Na n’adɔe wɔ hɔ daa;+
7 Aseda nka Nea ɔyɛɛ akanea akɛse no:+Na n’adɔe wɔ hɔ daa;+
8 Nea ɔyɛɛ owia a ɛhyerɛn adekyee no:+Na n’adɔe wɔ hɔ daa;+
9 Nea ɔyɛɛ ɔsram ne nsoromma sɛ ne nyinaa nhyerɛn anadwo no:+Na n’adɔe wɔ hɔ daa;+
10 Aseda nka Nea ɔbobɔɔ Egypt mmakan no:+Na n’adɔe wɔ hɔ daa;+
11 Nea oyii Israel fii wɔn mu no:+Na n’adɔe wɔ hɔ daa;+
12 Ɔde nsa a ɛyɛ den ne basa a wateɛ mu na eyii wɔn:+Na n’adɔe wɔ hɔ daa;
13 Aseda nka nea ɔpaee Po Kɔkɔɔ no mu no:+Na n’adɔe wɔ hɔ daa;+
14 Nea ɔmaa Israel faa mfinimfini no:+Na n’adɔe wɔ hɔ daa;+
15 Nea ɔkaa Farao ne n’asraafodɔm guu Po Kɔkɔɔ no mu no:+Na n’adɔe wɔ hɔ daa;+
16 Aseda nka Nea ɔmaa ne man faa sare so no:+Na n’adɔe wɔ hɔ daa;+
17 Aseda nka Nea ɔbobɔɔ ahene akɛse no:+Na n’adɔe wɔ hɔ daa;+
18 Nea okum ahene anuonyamfo no:+Na n’adɔe wɔ hɔ daa;+
19 Okum Amorifo hene Sihon:+Na n’adɔe wɔ hɔ daa;+
20 Ɛne Basan hene Og:+Na n’adɔe wɔ hɔ daa;+
21 Nea ɔde wɔn asase mae sɛ agyapade no:+Na n’adɔe wɔ hɔ daa;+
22 Ɔde yɛɛ n’akoa Israel agyapade:+Na n’adɔe wɔ hɔ daa;+
23 Nea ɔkaee yɛn wɔ yɛn abɛbrɛsɛ mu no:+Na n’adɔe wɔ hɔ daa;+
24 Nea ogyee yɛn fii yɛn atamfo nsam mpɛn pii no:+Na n’adɔe wɔ hɔ daa;+
25 Nea ɔma ɔhonam nyinaa aduan no:+Na n’adɔe wɔ hɔ daa;+
26 Monna ɔsoro Nyankopɔn no ase:+Na n’adɔe wɔ hɔ daa.+
