Dwom 138:1-8
Dawid dwom.
138 Mede me koma nyinaa bɛkamfo wo.+Mɛto dwom ama wo wɔ anyame foforo anim.+
2 Mɛkotow de m’ani akyerɛ w’asɔrefie kronkron no,+Na mɛkamfo wo din,+W’adɔe+ ne wo nokware nti.+Efisɛ woama w’asɛm so+ atra wo din mpo.+
3 Da a mefrɛe no, wo nso wugyee me so;+Wohyɛɛ me kra den na woma minyaa akokoduru.+
4 O Yehowa, asase so ahene nyinaa bɛkamfo wo,+Efisɛ wɔbɛte w’anom nsɛm.
5 Wɔbɛto Yehowa akwan ho dwom,+Efisɛ Yehowa anuonyam yɛ kɛse.+
6 Yehowa korɔn, nanso ohu ɔhobrɛasefo;+Ɔhantanni de, ohu no wɔ akyirikyiri.+
7 Sɛ menam ahohia mu mpo a, wobɛkora me nkwa so.+M’atamfo abufuw nti, wobɛteɛ wo nsa,+Na wo nsa nifa begye me nkwa.+
8 Yehowa bewie nea ɔreyɛ ama me no.+O Yehowa, w’adɔe wɔ hɔ daa.+Wo nsa ano adwuma nso, ntow nkyene.+
