Dwom 146:1-10
146 Munyi Yah ayɛ!+O me kra, yi Yehowa ayɛ.+
2 Meyi Yehowa ayɛ me nkwa nna nyinaa.+Mete ase yi, mɛto dwom ama me Nyankopɔn.+
3 Mommfa mo ho nnto adehye+Anaa onipa ba a nkwagye biara nni ne mu so.+
4 Ne honhom fi kɔ,+ na ɔsan kɔ ne dɔte mu;+Da no ara, ne nsusuwii yera.+
5 Anigye ne onipa a Yakob Nyankopɔn yɛ ne boafo;+Nea n’ani da Yehowa, ne Nyankopɔn so;+
6 Ɔno na ɔyɛɛ ɔsoro ne asase,+Ɛpo ne nea ɛwom nyinaa,+Ɔno na ɔkora nokware so afebɔɔ,+
7 Ɔno na obu atɛn ma wɔn a wosisi wɔn+Na ɔma wɔn a ɔkɔm de wɔn aduan.+Yehowa na ɔsan wɔn a wɔakyekyere wɔn.+
8 Yehowa bue anifuraefo aniwa;+Yehowa ma wɔn a wɔakotow so gyina hɔ;+Yehowa dɔ treneefo.+
9 Yehowa na ɔwɛn ɔhɔho;+Ɔno na odi boa agyanka ne okunafo,+Na nnebɔneyɛfo kwan+ de, ɔkyea no.+
10 Yehowa bedi hene akosi daa,+O Sion, wo Nyankopɔn bedi hene akosi awo ntoatoaso nyinaa so.+Munyi Yah ayɛ!+
