Dwom 19:1-14
Wɔde ma dwonkyerɛfo. Dawid dwom.
19 Ɔsoro ka Onyankopɔn anuonyam kyerɛ;+Na wim kyerɛ ne nsa ano adwuma.+
2 Adekyee biara, adekyee kasa,+Na anadwo biara, anadwo kyerɛ nimdeɛ.+
3 Wommue wɔn ano nkasa, na wɔnte wɔn anom nsɛm;Wɔnte ɛnne bi nso.+
4 Nanso wɔn susuhama du wiase nyinaa,+Na wɔn nsɛm du asase ano baabiara.+Wɔn mu na Onyankopɔn asi ntamadan ama owia,+
5 Ɛte sɛ ayeforokunu a ofi ne dan mu repue;+Ne ho sɛpɛw no sɛ ɔhoɔdenfo a ɔretu mmirika wɔ ɔkwan bi so.+
6 Ofi adi fi ɔsoro ano,Na okowie n’akwantu wɔ ɔfã nohoa;+Biribiara nhintaw ne hyew ano.+
7 Yehowa mmara+ yɛ pɛ,+ ɛma ɔkra ho san no.+Yehowa nkaesɛm+ yɛ nokware,+ ɛma nea onni nimdeɛ hu nyansa.+
8 Yehowa ahyɛde+ teɛ,+ ɛma koma di ahurusi;+Yehowa mmara nsɛm+ ho tew,+ ɛma obi ani tew.+
9 Yehowa suro+ ho tew, ɛwɔ hɔ daa.Yehowa atemmusɛm+ yɛ nokware;+ ne nyinaa teɛ.+
10 Ɛyɛ akɔnnɔ sen sika, ɛsen sika amapa mpo;+Ɛyɛ dɛ sen ɛwo+ ne ɛwo a ɛsosɔ fi ɛwokyɛm+ mu.
11 Ɛbɔ w’akoa kɔkɔ;+Ɛsodi mu wɔ akatua+ sɛ.
12 Hena na otumi hu n’ankasa ne mfomso?+Me bɔne a minnim no, fa firi me.+
13 Yi w’akoa fi anidaho bɔne ho;+Mma ennni me so.+Ɛno na ɛbɛma madi mũ,+Na made me ho afi mmarato pii ho.
14 Ma m’anom nsɛm ne me komam nsusuwii+Nyɛ wo fɛ, O Yehowa, me Botan+ ne me Gyefo.+
