Dwom 21:1-13
Wɔde ma dwonkyerɛfo. Dawid dwom.
21 O Yehowa, w’ahoɔden mu na ɔhene di ahurusi,+Na wo nkwagye mu na obedi ahurusi daa!+
2 Wode nea ne koma pɛ ama no,+Na woankame no n’ano abisade.+ Sela.
3 Wubehyiaa no de adepa+ hyiraa no,Na wode sika amapa abotiri bɔɔ ne ti.+
4 Obisaa wo hɔ nkwa, na wode maa no,+Womaa no nnasanten, daa daa.+
5 N’anuonyam sõ wɔ wo nkwagye mu.+Nidi ne anuonyam na wode ahyɛ no.+
6 Woayɛ no nhyira kɛse daa;+Wode w’anim ahurusidi+ ma n’ani gye.
7 Ɔhene de ne ho ato Yehowa so,+Ɔde ato Ɔsorosoroni no adɔe so. Biribiara remma onhinhim.+
8 Wo nsa bɛka w’atamfo nyinaa;+Wo nsa nifa na ebeso wɔn a wɔtan wo no mu.
9 Wobɛyɛ wɔn sɛ fononoo a wɔasɔ mu gya bere a woahyɛ sɛ wubeyi wo ho adi no.+Yehowa abufuw mu na ɔbɛmene wɔn, na ogya na ɛbɛhyew wɔn.+
10 Wobɛsɛe wɔn mma afi asase so,+Na wobɛsɛe wɔn asefo afi nnipa mma mu.+
11 Efisɛ wɔabɔ wo ho pɔw bɔne;+Wɔasusuw biribi a wɔrentumi nyɛ.+
12 Na wobɛma wɔadan wɔn ani aguan,+W’agyan hama a wode akyerɛ wɔn so+ nti.
13 O Yehowa, ma wo ho so, w’ahoɔden mu.+Yɛbɛto dwom, yɛbɛto wo kɛseyɛ ho dwom.+
