Dwom 29:1-11
Dawid dwom.
29 Ahoɔdenfo mma, momfa mma Yehowa,Momfa anuonyam ne ahoɔden mma Yehowa.+
2 Momfa Yehowa din anuonyam mma no.+Momfa ahohyehyɛ kronkron nkotow Yehowa.+
3 Yehowa nne di nsu* so;+Anuonyam Nyankopɔn+ no na ɔma aprannaa bobom.+Yehowa di nsu pii so.+
4 Yehowa nne mu wɔ ahoɔden;+Yehowa nne mu wɔ anuonyam.+
5 Yehowa nne bubu nkyeneduru;Ampa, Yehowa bubu Lebanon nkyeneduru mu asinasin,+
6 Na ɔma ehuruhuruw sɛ nantwi ba;+Ɔma Lebanon ne Sirion+ huruhuruw sɛ ɛkoɔ mma.
7 Yehowa nne pa ogyaframa;+
8 Yehowa nne ma sare so wosow,+Yehowa ma Kades+ sare so wosow.
9 Yehowa nne ma awo ka ɔforote+ mpofirim;Ɛma kwae yɛ pasaa.+Na obiara ka wɔ n’asɔrefie hɔ sɛ: “Anuonyam nka no!”+
10 Yehowa te nsuyiri so;+Yehowa bɛtena hɔ sɛ ɔhene daa daa.+
11 Yehowa na ɔbɛma ne nkurɔfo ahoɔden.+Yehowa na ɔde asomdwoe+ behyira ne nkurɔfo.
Ase Hɔ Nsɛm
^ Ɛfa osutɔ kɛse ho.
