Dwom 30:1-12
Ayeyi dwom. Dwom a wɔde hyiraa ɔdan+ no so. Dawid dwom.
30 O Yehowa, mɛkamfo wo efisɛ woayi me afi mu;+Woamma m’atamfo anni me ho ahurusi.+
2 Misu mefrɛɛ wo, O Yehowa me Nyankopɔn, na wosaa me yare.+
3 O Yehowa, woagye me kra afi Adamoa* mu;+Woama matena nkwa mu, na mankɔ amoa mu.+
4 Yehowa anokwafo nyinaa, monto dwom mma no,+Munyi ne din kronkron no ayɛ;*+
5 Efisɛ n’abufuw nkyɛ+ onipa so,Na n’adom de, ɛtena hɔ afebɔɔ.+Anwummere, osũ ba,+ nanso anɔpa, ahurusidi ba.+
6 Me de, maka wɔ m’ahodwo mu+ sɛ:“Merenhinhim ara da.”+
7 O Yehowa, w’adom mu na woama me bepɔw atim ahoɔden mu.+Wode w’anim hintawee, na mehawee.+
8 O Yehowa, wo na mefrɛɛ wo+ daa;Yehowa na mekotow srɛɛ no daa sɛ ɔnnom me.+
9 Sɛ mekɔ amoa mu+ a, mfaso bɛn na ɛwɔ me mogya so?Mfutuma betumi akamfo wo anaa?+ Ebetumi aka wo nokware akyerɛ?+
10 Yehowa, tie me ɛ, na dom me.+O Yehowa, boa me.+
11 Woama m’awerɛhow adan asaw;+Woasan me ho atweaatam, na wode ahurusi abɔ me abɔso;+
12 Ɛno na m’anuonyam bɛto dwom ama wo, na ɛrenyɛ komm.+O Yehowa me Nyankopɔn, mɛkamfo wo+ daa daa.
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
^ Nea ɛkyerɛ ankasa ne “monna ne nkae kronkron no ase.”
