Dwom 35:1-28
Dawid dwom.
35 O Yehowa, wo ne m’atamfo nni mma me;+Wo ne wɔn a wɔne me ko no nko.+
2 So nkatabo ne ɔkyɛm kɛse mu,+Na sɔre bɛboa me,+
3 Twe peaw ne akuma hyia wɔn a wɔtaa me so.+Ka kyerɛ me kra sɛ: “Mene wo nkwagye.”+
4 Ma wɔn a wɔhwehwɛ me kra no ani nwu na wɔn anim ngu ase.+Na ma wɔn a wɔbɔ me ho pɔw bɔne no nsan wɔn akyi na wɔmfɛre.+
5 Ma wɔnyɛ sɛ ntɛtɛwa, mframa anim,+Na ma Yehowa bɔfo mpia wɔn ngu.+
6 Ma wɔn kwan mu nyɛ sum, na ɛhɔ nyɛ toro,+Na ma Yehowa bɔfo ntaa wɔn.
7 Wɔasum me afiri wɔ amoa mu+ kwa;Wɔatu amoa ama me kra+ kwa.
8 Ma ɔsɛe mmra wɔn so mpofirim,+Na ma afiri a wɔasum ahintawee mu no nyi wɔn ankasa;+Ma wɔnhwe mu,+ na wommubu pasapasa.
9 Na me de, ma me kra nni ahurusi Yehowa mu;+Na ma me kra ani nnye wɔ Ne nkwagye mu.+
10 Ma me nnompe nyinaa nka sɛ:+“Hena na ɔte sɛ wo, O Yehowa,+Wo a wugye mmɔborɔni fi nea ɔyɛ den sen no nsam,+Na wugye ɔmanehunufo ne ohiani fi nea osisi no nsam?”+
11 Adansefo nkontompofo sɔre;+Nea minnim na wobisa me.+
12 Wɔde bɔne tua me papa so ka,+Na ɛma me kra ade fi ne nsa.+
13 Me de, bere a wɔyaree no, mifuraa atweaatam,+Mede mmuada haw me kra,+Na me mpaebɔ san beguu me kokom.+
14 Meyɛe te sɛ nea ɔyɛ me yɔnko ne me nua,+Menantewee sɛ obi a ɔregyam ne maame.+Mede awerɛhow sii me ti ase.
15 Nanso sɛ metɔ me nan so a, wodi ahurusi na wɔka wɔn ho boa ano;+Wɔboa wɔn ano tia me,+Wɔbɔ me hwe fam mpofirim;+Wɔtetew me pasaa, na wɔnka wɔn ano ntom.+
16 Sɛnea awaefo di paanoo sin ho fɛw no,+Saa ara na wɔtwɛre wɔn se gu me so.+
17 O Yehowa, wobɛhwɛ akosi da bɛn?+Gye me kra fi wɔn sɛe mu;+Gye m’ade koro+ yi fi agyataforo nsam.
18 Mɛkamfo wo asafo kɛse mu;+Meyi wo ayɛ nnipa dodow mu.+
19 Mma wɔn a wokyi me kwa no nnni me ho ahurusi;+Na wɔn a wɔtan me kwa no, mma wɔmmpa wɔn ani akyi.+
20 Efisɛ wɔnka asomdwoesɛm;+Na wɔn a wodwo wɔ asase so noNa wodwen nnaadaasɛm tia wɔn.+
21 Wɔbaabae wɔn anom kyerɛ me.+Wɔka sɛ: “Ahaa! Ahaa! Yɛn ani ahu.”+
22 O Yehowa, woahu.+ Nyɛ dinn.+O Yehowa, mfi me nkyɛn nkɔ akyirikyiri.+
23 Nyan, na sɔre bebu me atɛn,+O me Nyankopɔn Yehowa, di m’asɛm.+
24 Bu me atɛn sɛnea wo trenee te, O Yehowa me Nyankopɔn,+Na mma wonnni me ho ahurusi.+
25 Mma wɔnnka wɔn koma mu sɛ: “Ahaa, nea yɛn kra hwehwɛ ara ni!”+Mma wɔnnka sɛ: “Yɛamene no.”+
26 Wɔn a wɔn ani gye m’amanehunu ho+ no,Ma wɔn nyinaa mfɛre na wɔn anim ngu ase.+Ma wɔn a wɔma wɔn ho so tia me+ no mfura aniwu+ ne animguase.
27 Na wɔn a wɔpɛ me trenee no de, ma wonni ahurusi na wɔn ani nnye;+Ma wɔnka daa sɛ:+“Monkamfo Yehowa, nea n’ani gye n’akoa asomdwoe ho no.”+
28 Ma me tɛkrɛma nka wo trenee wɔ me komam+Ne w’ayeyi daa.+
