Dwom 37:1-40
Dawid dwom.
א [ʼAʹleph]
37 Mma wo bo mmfuw, nnebɔneyɛfo nti.+Mma w’ani mmmere amumɔyɛfo.+
2 Wobekisa ntɛmntɛm sɛ sare,+Na wobetwam akɔ sɛ wura momono.+
ב [Behth]
3 Fa wo ho to Yehowa so na yɛ papa;+Tena asase so na di nokware.+
4 Ma w’ani nka Yehowa ho,+Na ɔbɛma wo nea wo koma pɛ.+
ג [Giʹmel]
5 Fa wo kwan hyɛ Yehowa nsa,+Na fa wo ho to no so,+ na ɔno na ɔbɛyɛ.+
6 Ɔbɛma wo trenee ada adi sɛ hann,+Na w’atemmu ada adi sɛ owigyinae.+
ד [Daʹleth]
7 Yɛ komm ma Yehowa,+Na tɔ wo bo ase twɛn no.+Mma wo bo mmfuw, nea ne kwan asi no yiye+ nti,Onipa a odi ne nsusuwii akyi+ no.
ה [Heʼ]
8 Ma abufuw ntwa, na gyae bobɔne;+Mma wo bo mmfuw na woanyɛ bɔne.+
9 Na wobeyi nnebɔneyɛfo hɔ,+Na wɔn a wɔtwɛn Yehowa no, wɔn na wobenya asase no adi.+
ו [Waw]
10 Aka kakraa bi na ɔdebɔneyɛfo nni hɔ bio;+Na wohwehwɛ ne tenabea a, na onni hɔ.+
11 Na ahobrɛasefo benya asase no adi,+Na wɔagye wɔn ani asomdwoe bebree mu.+
ז [Zaʹyin]
12 Ɔdebɔneyɛfo fa ɔtreneeni ho adwemmɔne,+Na ɔtwɛre ne se gu no so.+
13 Yehowa bɛserew no,+Efisɛ Onim sɛ n’awiei bɛba.+
ח [Chehth]
14 Nnebɔneyɛfo atwe nkrante, na wɔakuntun wɔn agyan mu,+Sɛ wɔbɛma mmɔborɔni ne ohiani ahwe ase,+Na wɔakum wɔn a wɔn kwan teɛ.+
15 Wɔn nkrante bɛwɔ wɔn ara wɔn koma mu,+Na wɔn agyan abubu.+
ט [Tehth]
16 Ade kakra a ɔtreneeni wɔ no ye+ senAdedodow a nnebɔneyɛfo bebree wɔ.+
17 Wobebubu nnebɔneyɛfo basa,+Na Yehowa bɛwowaw treneefo.+
י [Yohdh]
18 Yehowa nim wɔn a wodi mũ no nkwa nna,+Na wɔn agyapade bɛtena hɔ daa.+
19 Wɔn ani renwu ahohia bere mu,+Na ɔkɔm bere mu nso, wɔbɛmee.+
כ [Kaph]
20 Nnebɔneyɛfo de, wɔbɛyera,+Na Yehowa atamfo bɛyɛ sɛ wura frɔmfrɔm;Wɔn awiei bɛba.+ Wusiw mu na wɔn awiei bɛba.+
ל [Laʹmedh]
21 Ɔdebɔneyɛfo fɛm, na ontua,+Na ɔtreneeni de, ɔdom nkurɔfo na ɔkyɛ ade.+
22 Wɔn a ohyira wɔn na wobenya asase no adi,+Na wɔn a ɔdome wɔn no, wobeyi wɔn hɔ.+
מ [Mem]
23 Yehowa na ɔma ɔbarima anammɔn tim,+Na ne kwan sɔ N’ani.+
24 Sɛ ɔhwe ase a, ɔremmea hɔ,+Efisɛ Yehowa kura ne nsa.+
נ [Nun]
25 Mayɛ abofra, na afei mabɔ akwakoraa,+Nanso minhuu onipa trenee a wɔagyaw no,+Anaasɛ n’asefo srɛ aduan.+
26 Ɔdom nkurɔfo daa, na ɔde fɛm,+Ɛno nti n’asefo benya nhyira.+
ס [Saʹmekh]
27 Fi bɔne ho na yɛ papa,+Na woatena ase daa.+
28 Yehowa dɔ atɛntrenee,+Na ɔrennyaw n’anokwafo.+
ע [ʽAʹyin]
Ɔbɛhwɛ wɔn so+ daa;Na nnebɔneyɛfo asefo de, wobeyi wɔn hɔ.+
29 Treneefo benya asase no adi,+Na wɔatena so daapem.+
פ [Peʼ]
30 Ɔtreneeni ano ka nyansasɛm wɔ ne komam,+Na ne tɛkrɛma ka asɛntrenee.+
31 Ne Nyankopɔn mmara wɔ ne koma mu;+Ne nan nwatiriw.+
צ [Tsa·dhehʹ]
32 Ɔdebɔneyɛfo tɛw ɔtreneeni,+Na ɔhwehwɛ no akum no.+
33 Yehowa de, ɔrennyaw ɔtreneeni, ɔdebɔneyɛfo nsam,+Na sɛ ɔrebu atɛn a, ɔremmu ɔtreneeni fɔ.+
ק [Qohph]
34 Twɛn Yehowa, na fa ne kwan so,+Na ɔbɛma wo so na woanya asase no adi.+Sɛ woyi nnebɔneyɛfo hɔ a, wubehu.+
ר [Rehsh]
35 Mahu ɔdebɔneyɛfo wɔ tumi kɛse mu,+Na ɔdennan sɛ dua a anya baabi pa asi ayɛ frɔmm.+
36 Nanso otwaam kɔe, na onni hɔ;+Mehwehwɛɛ no, na manhu no.+
ש [Shin]
37 Hwɛ onipa a ɔyɛ pɛ, na hwɛ nea ɔteɛ,+Sɛ saa onipa no awiei yɛ asomdwoe.+
38 Mmaratofo de, wɔbɛsɛe wɔn nyinaa prɛko,+Na nnebɔneyɛfo nso, wobeyi wɔn hɔ.+
ת [Taw]
39 Treneefo nkwagye fi Yehowa;+Ɔne wɔn ahohia bere mu guankɔbea.+
40 Na Yehowa bɛboa wɔn na wagye wɔn.+Obeyi wɔn afi nnebɔneyɛfo nsam, na wagye wɔn,+Efisɛ wɔaguan atoa no.+
