Dwom 39:1-13
Wɔde ma Yedutan*+ dwonkyerɛfo. Dawid dwom.
39 Mekae sɛ: “Mɛhwɛ m’akwan yiye+Na mamfa me tɛkrɛma anyɛ bɔne.+Mɛkyekyere m’ano+Bere a ɔdebɔneyɛfo wɔ m’anim yi.”+
2 Medan mum yɛɛ komm;+Mimuaa m’ano, papa ho,+Na mekaa me yaw hyɛe.
3 Me koma yɛɛ hyehyeehyew me mu;+M’apinisi mu na ogya no dɛwee.Mede me tɛkrɛma kae sɛ:
4 “O Yehowa, ma minhu m’awiei,+Na nna kakra a woasusuw ama me no, ma minhu sɛnea ɛte,+Na minhu sɛ mammɛtena ase ankyɛ.+
5 Hwɛ! Woayɛ me nna kakraa bi;+Na me nkwa nna nyɛ hwee w’anim.+Ampa, sɛ ɔdesani gyina hɔ pintinn mpo a, ɔte sɛ mframa.+ Sela.
6 Onipa nam sɛ sunsuma.+Ampa ara ɔyɛ kitikiti kwa.+Ɔboaboa ahode ano, nanso onnim nea ɛbɛkɔ akodi ne nsam.+
7 Na afei Yehowa, dɛn na mede m’ani ato so?Wo na mehwɛ wo kwan.+
8 Gye me fi me mmarato nyinaa mu.+Mma nea onni adwene mmmɔ me ahohora.+
9 Medan mum;+ mantumi ammue m’ano,+Efisɛ wo na woayɛ.+
10 Yi wo haw fi me so.+Wo nsa a etia me nti, m’awiei aba.+
11 Wode mfomso ho animka teɛ onipa so,+Na wosɛe n’akɔnnɔde sɛnea nwewee+ yɛ no.Ampa ara ɔdesani te sɛ mframa.+ Sela.
12 O Yehowa, tie me mpaebɔ,Na yɛ aso ma me sufrɛ.+Nyɛ komm me nusu ho,+Na meyɛ wo hɔho,+Meyɛ otubrafo sɛ m’agyanom nyinaa.+
13 Yi w’ani fi me so, na menhyerɛn,+Ansa na mawu afi hɔ, a wonhu me bio.”+
Ase Hɔ Nsɛm
^ Yedutan yɛ Hebri asɛm bi a wonnim nea ɛkyerɛ pɔtee.
