Dwom 41:1-13
Wɔde ma dwonkyerɛfo. Dawid dwom.
41 Anigye ne nea ohu ɔbrɛfo mmɔbɔ;+Yehowa begye no ahohia da mu.+
2 Yehowa bɛhwɛ no so na wama no nkwa.+Wɔbɛfrɛ no anigye wɔ asase so.+Na woremfa ne kra nhyɛ n’atamfo nsa.+
3 Yehowa bɛwowaw no ɔyarepa so;+Wobɛhwɛ no ne yare mu.+
4 Me de, mekae sɛ: “O Yehowa, hu me mmɔbɔ.+Sa me kra yare, na mayɛ wo bɔne.”+
5 M’atamfo de, bɔne nko na wɔka me ho sɛ:+“Da bɛn na obewu na ne din ayera?”
6 Sɛ wɔba bɛhwɛ me a, atosɛm na wɔn koma keka;+Wɔtase nsɛmmɔne fa;Sɛ wofi adi a, wɔkeka ho asɛm wɔ abɔnten.+
7 Wɔn a wɔtan me nyinaa ka bom besebese wɔn ano wɔ me ho;+Wɔbɔ me ho pɔw bɔne daa sɛ:+
8 “Ɔyare bɔne bi atew agu no so;+Afei a watɔ fam yi, ɔrensɔre bio.”+
9 Nea me ne no te asomdwoe mu a mede me ho too no so mpo,+Nea na odi m’aduan no,+ wama ne nantin so atia me.+
10 O Yehowa, hu me mmɔbɔ na ma me so,+Na ama matua wɔn ka.+
11 Eyi ho na mahu sɛ wopɛ m’asɛm,Efisɛ me tamfo nni me ho ahurusi.+
12 Me de, me nokwaredi nti woma me so,+Na wode me gyina w’anim daa.+
13 Nhyira nka Yehowa, Israel Nyankopɔn no+Daa daa.+Amen ne Amen.+
