Dwom 45:1-17
Wɔde ma dwonkyerɛfo, Sukooko so. Kora mma dwom. Maskil.* Mmea adɔfo ho dwom.
45 Asɛmpa ahyɛ me koma ma abu so.+Mise: “Me nnwuma fa ɔhene ho.”+Ma me tɛkrɛma nyɛ sɛ ɔkyerɛwfo*+ a ne ho akokwaw kyerɛwdua.+
2 Wo ho yɛ fɛ sen nnipa mma koraa.+Wɔde anuonyam ahyɛ w’ano.+Ɛno nti na Onyankopɔn ahyira wo daa no.+
3 Otumfoɔ,+ fa wo nkrante+ bɔ w’asen ɛ,Ɛne w’anuonyam ne wo nidi;+
4 Na kodi nkonim w’anuonyam mu;+Tena wo pɔnkɔ so ma nokwaredi ne ahobrɛase ne trenee,+Na wo nsa nifa bɛkyerɛkyerɛ wo anwonwadwuma.+
5 W’agyan nnamnam no bɛwowɔ ɔhene atamfo koma mu;+Aman bɛhwehwe ase daa wo nan ase.+
6 Onyankopɔn ne w’ahengua daa daa,+Na w’ahempoma yɛ teeyɛ poma.+
7 Wodɔɔ trenee,+ na wukyii mmarato.+Ɛno nti na Onyankopɔn, wo Nyankopɔn,+ de ahurusi ngo+ asra wo+ sen wo mfɛfo no.+
8 Kurobow ne pɛprɛ ne kasia dua yi hua wo ntade nyinaa mu;+Sanku a wɔbɔ asommɛn+ aban mu ma wudi ahurusi.
9 Ahene mmabea+ wɔ wo mmea anuonyamfo mu.Ɔhemmaa ne ne nkurɔfo+ abegyina wo nsa nifa so, Ofir sika mu.+
10 Tie, ɔbabea, na hwɛ, na yɛ aso;Ma wo werɛ mfi wo nkurɔfo ne wo papa fie.+
11 Ɔhene ani begyina w’ahoɔfɛ,+Ɔne wo wura,+Enti kotow no.+
12 Tiro babea nso de akyɛde ba+—Ɔman no mu adefo bedwudwo wo bo.+
13 Ɔhene babea wɔ anuonyam nyinaa bi wɔ fie hɔ;+N’atade, wɔde sika anwene mu.
14 Ɔhyɛ ntade a wɔanwene, na wɔde no brɛ ɔhene.+Wɔde ne mfɛfo mmaabun a wɔka ne ho bɛbrɛ wo.+
15 Ahurusi ne anigye mu na wɔde wɔn bɛba;Wɔbɛhyɛn ɔhene ahemfie.
16 Wo mma+ besi w’agyanom+ ananmu,Na wobɛyɛ wɔn mpanyimfo, asase nyinaa so.+
17 Mɛbɔ wo din, awo ntoatoaso a ɛbɛba nyinaa mu.+Ɛno nti na aman bɛkamfo wo daa daa no.
