Dwom 49:1-20
Wɔde ma dwonkyerɛfo. Kora+ mma dwom. Ayeyi dwom.
49 Aman nyinaa, muntie.Mo a mowɔ wiase+ nyinaa, monyɛ aso,
2 Adesamma ne nnipa mma nyinaa,Adefo ne ahiafo nyinaa.+
3 M’ano bɛka anyansasɛm,+Na ntease na medwen ho me koma mu.+
4 Mɛyɛ aso ama akasabebu;+Na mede sankuten bɛkyerɛkyerɛ m’aborɔme mu.+
5 Dɛn nti na ɛsɛ sɛ misuro nna bɔne,+Bere a wɔn a wɔpɛ sɛ mesɛe atwa me ho ahyia no?+
6 Wɔn a wɔde wɔn ho to wɔn ahonyade so,+Na wɔde wɔn ahonyade bebree hoahoa wɔn ho no,+
7 Wɔn mu biara ntumi nnye onua,+Na ɔrentumi mma Onyankopɔn mpatade mfa nnye no;
8 (Wɔn kra gye bo yɛ den+Enti wɔrentumi ntua da)
9 Na ama watena ase daa a onhu ɔdamoa.+
10 Ohu sɛ anyansafo mpo wuwu,+Wɔne nkwasea ne nea onni adwene nyinaa sɛe,+Na wogyaw wɔn ahonyade ma ebinom.+
11 Wɔn koma mu no, wonyae a, anka wɔn afie wɔ hɔ daa,+Na wɔn ntamadan nso wɔ hɔ awo ntoatoaso nyinaa mu.+Wɔde wɔn din atoto wɔn nsase so.+
12 Nanso ɔdesani, sɛ ɔwɔ nidi mpo a, ɔrentena ase daa;+Ɔte sɛ mmoa a wɔsɛe kwa.+
13 Ɔkwan a agyimfo fa so ni,+Na saa na wɔn a wodi wɔn akyi ba a wɔpɛ wɔn anom asɛm no nso te. Sela.
14 Wɔte sɛ nguan a wɔapaw wɔn ama Adamoa;*+Owu na ɛbɛyɛn wɔn;+Teefo na wobedi wɔn so anɔpa,+Na wɔn nipadua bɛsɛe;+Adamoa na ɛbɛyɛ wɔn mu biara tenabea, na ɛnyɛ beae a ɛkorɔn.+
15 Nanso me kra de, Onyankopɔn begye no Adamoa nsam,+Na obegye me ampa. Sela.
16 Sɛ obi nya ne ho a, nsuro,+Sɛ ne fie anuonyam redɔɔso a, nsuro.+
17 Na owu a, ɔrentumi mfa hwee nkɔ;+N’anuonyam renni n’akyi.+
18 Ɔte ase no na ohyira ne kra daa;+(Nnipa beyi wo ayɛ sɛ wudii yiye nti)+
19 Ne kra bɛkɔ n’agyanom nkyɛn.+Na wɔrenhu hann bio.+
20 Onipa desani, sɛ ɔwɔ nidi mpo na onni ntease+ a,Ɔte sɛ mmoa a wɔsɛe kwa.+
Ase Hɔ Nsɛm
^ Anaasɛ “Sheol.” Nea ɛkyerɛ ne adesamma adamoa. Hwɛ Nkekaho 4.
