Dwom 5:1-12
Wɔde ma dwonkyerɛfo, Nehilot* so. Dawid dwom.
5 O Yehowa, yɛ aso+ ma me nsɛm;Te me ase, m’apinisi mu.
2 Tie me sufrɛ,+O me Hene+ ne me Nyankopɔn, efisɛ wo na mebɔ wo mpae.+
3 O Yehowa, anɔpa wobɛte me nne;+Mɛka m’asɛm akyerɛ wo anɔpa na matwɛn.+
4 Woyɛ Onyankopɔn a wompɛ amumɔyɛ;+Ɔdebɔneyɛfo biara ne wo rentena+ da biara da.
5 Ɔhohoahoafo biara rennyina w’anim;+Wotan amumɔyɛfo nyinaa;+
6 Wobɛsɛe wɔn a wɔka atosɛm.+Yehowa kyi mogyahwiegufo+ ne ɔdaadaafo.+
7 Me de, w’adɔe+ dodow muNa mɛba wo fie,+Na wo suro mu na mɛkotow de m’ani akyerɛ w’asɔrefie kronkron no.+
8 O Yehowa, kyerɛ me kwan wo trenee mu,+ efisɛ atamfo atwa me ho ahyia;+Ma wo kwan so nna hɔ m’anim.+
9 Nokware biara nni wɔn anom;+Bɔne nkutoo na ɛwɔ wɔn mu.+
Wɔn menewa yɛ ɔdamoa a ano da hɔ;+Wɔde wɔn tɛkrɛma dɛfɛdɛfɛ.+
10 Onyankopɔn bebu wɔn fɔ;+Wɔn ankasa pɔw bɔne mu na wɔbɛhwe.+
Wɔn mmarato bebrebe mu na ma wɔnhwete,+Efisɛ wɔatew wo so atua.+
11 Na wɔn a woguan toa wo no de, wɔn nyinaa bedi ahurusi;+Wɔbɛto ahurusi dwom daa.+
Wobɛbɔ wɔn ho ban ahyia,Na wɔn a wɔdɔ wo din bedi wo mu ahurusi.+
12 O Yehowa, wo na wubehyira obiara a ɔyɛ adetrenee;+Wode anisɔ begye ne ho ban ahyia+ sɛ ɔkyɛm+ kɛse.
Ase Hɔ Nsɛm
^ Nehilot yɛ Hebri asɛm bi a wonnim nea ɛkyerɛ pɔtee. Ebetumi aba sɛ ɛyɛ abɛn bi a wɔde bɔ nnwom anaa dwom bi.
