Dwom 50:1-23
Asaf+ ayeyi dwom.
50 Onyankopɔn Tweaduampɔn,+ Yehowa+ akasa;+Ɔfrɛ asase+Fi apuei kosi atɔe.+
2 Sion, ahoɔfɛ a ewie pɛyɛ+ mu na Onyankopɔn fi hyerɛn.+
3 Yɛn Nyankopɔn bɛba, na ɔrentumi nyɛ komm.+Ogya bedi n’anim ahyew ade,+Na ahum kɛse atwa ne ho ahyia.+
4 Ɔfrɛ ɔsoro ne asase+Sɛ ɔrebebu ne man atɛn:+
5 “Mommoaboa m’anokwafo ano mma me,+Wɔn a wɔnam afɔrebɔ so ne me ayɛ apam no.”+
6 Ɔsoro ka ne trenee kyerɛ,+Na Onyankopɔn ne Ɔtemmufo.+ Sela.
7 “Me man, muntie, na merebɛkasa,+O Israel, tie, na merebedi adanse atia wo.+Mene Onyankopɔn, wo Nyankopɔn.+
8 Ɛnyɛ mo afɔrebɔ nti na mereka mo anim,+Na ɛnyɛ mo hyew afɔre a ɛwɔ m’anim daa ntia.+
9 Meremfa nantwinini mfi mo fie,+Na meremfa mpapo mfi mo nguannan mu.
10 Efisɛ me na kwae mu mmoadoma nyinaa wɔ me,+Mmepɔw apem so mmoa nyinaa.+
11 Minim mmepɔw so ntakraboa nyinaa,+Na wuram mmoadoma nyinaa wɔ me.+
12 Sɛ ɔkɔm de me a, merenka nkyerɛ wo;Efisɛ asase+ ne emu nneɛma nyinaa yɛ me dea.+
13 Mihia anantwinini akɛse nam anaa?+Anaa mihia mpapo mogya?+
14 Fa aseda bɔ Onyankopɔn afɔre,+Na tua wo bɔhyɛ ade ma Ɔsorosoroni no;+
15 Frɛ me ahohia da.+Na megye wo na woahyɛ me anuonyam.”+
16 Na ɔdebɔneyɛfo de, Onyankopɔn bɛka akyerɛ no sɛ:+“Hena na ɔmaa wo kwan sɛ ka m’ahyɛde,+A wode w’ano ka m’apam ho asɛm yi,+
17 Bere a wo koro yi ara wotan nteɛso,+Na woatow me nsɛm agu w’akyi yi?+
18 Sɛ wuhu ɔkorɔmfo a, ɛyɛ wo fɛ;+Na wo ne awaresɛefo na ɛbɔ.+
19 Wubue w’ano kɔ bɔne mu,+Na wode wo tɛkrɛma ka nnaadaasɛm.+
20 Wotena ase keka wo nua ho nsɛm,+Na wo maame ba mpo, wudi ne ho nseku.+
21 Woayɛ eyinom nyinaa, na meyɛɛ dinn.+Ná wususuw sɛ mɛyɛ sɛ wo ara.+Merebɛka w’anim,+ na mede nea woayɛ asi w’anim.+
22 Mo a mo werɛ afi Onyankopɔn,+ monte eyi ase,Na mantetew mo mu pasaa a ogyefo biara nni hɔ.+
23 Nea ɔde aseda bɔ afɔre no na ɔbɛhyɛ me anuonyam;+Na nea ɔnam ɔkwampa so no,Mɛma wahu Onyankopɔn nkwagye.”+
