Dwom 55:1-23
Wɔde ma dwonkyerɛfo sɛ wɔmfa sanku nto. Maskil.* Dawid dwom.
55 O Onyankopɔn, yɛ aso ma me mpaebɔ;+Na mfa wo ho nhintaw me nkotɔsrɛ.+
2 Wɛn w’aso ma me, na gye me so.+Adwennwen mma me ho ntɔ me,+Na me ho yeraw me,
3 Ɔtamfo nne ne ɔdebɔneyɛfo ahoguan nti.+Wɔka nsɛmmɔne gu me so daa,+Na wonya me ho menasepɔw abufuw mu.+
4 Me koma di yaw pii wɔ me mu,+Na owu ho hu atɔ me so.+
5 Osuro ne ahopopo ahyɛn me mu,+Ɔwosow biribiri asi me so.
6 Na meka daa sɛ: “O sɛ mewɔ ntaban te sɛ aborɔnoma a!+Anka metu akɔtena baabi.+
7 Hwɛ! Anka metu akɔ akyirikyiri;+Anka mɛtena sare so.+—Sela—
8 Anka metu mmirika akɔ me guankɔbea,Afi mframa kɛse ne ahum no mu.”+
9 O Yehowa, ma wɔn adwene ntu mfra, na yɛ wɔn kasa basabasa,+Na mahu anuɔdensɛm ne akasakasa wɔ kurow no mu.+
10 Wɔnam n’afasu so twa ho hyia awia ne anadwo;+Na amumɔyɛsɛm ne ɔhaw wom.+
11 Amanehunu pii wom;Na nhyɛso ne nnaadaa mpa n’abɔnten so.+
12 Ɛnyɛ ɔtamfo na ɔbɔ me ahohora;+Anka ɛrenhaw me.
Ɛnyɛ nea okyi me kɔkɔkɔkɔ na wama ne ho so atia me;+Anka mede me ho behintaw no.+
13 Na mmom ɛyɛ wo, ɔdesani a wo ne me yɛ pɛ,+Obi a minim wo, me mannifo,+
14 Me yɔnko a me ne wo dii atirimsɛm,+A yɛne nnipadɔm boom kɔɔ Onyankopɔn fie.+
15 Ma wɔn ase nhyew!+Ma wɔnkɔ Adamoa* mu anikan,+Na baabiara a wɔte no, nsɛmmɔne nkutoo na ɛte wɔn mu.+
16 Me de, Onyankopɔn na mɛfrɛ no;+Na Yehowa na obegye me nkwa.+
17 Anwummere ne anɔpa ne owigyinae, midwinnwen na misi apini,+Na ɔte me nne.+
18 Obegye me kra afi ɔko a wɔko tia me mu,+ na wama anya asomdwoe,Efisɛ nnipadɔm na wɔreko atia me.+
19 Onyankopɔn bɛte na wabua wɔn,+Nea Ɔte ahengua so fi tete no+—Sela.—
Wɔn de, wɔnsesã,+Na wonsuro Onyankopɔn.+
20 Wateɛ ne nsa aka wɔn a wɔne no te asomdwoe mu;+Wabu n’apam so.+
21 N’anom nsɛm yɛ fekɔɔ sen bɔta,+Nanso ɔko wɔ ne komam.+
Ne nsɛm mu dwo bɛtɛɛ sen ngo,+Nanso ɛyɛ nkrante a wɔatwe.+
22 Dan w’adesoa to Yehowa so,+Na obeso wo mu.+Ɔremma ɔtreneeni nhinhim da.+
23 Na wo, Onyankopɔn, wo na wode wɔn bɛkɔ amoa mu tɔnn.+Mogyapɛfo ne nkontompofo renni wɔn nna mu fã.+Na me de, mede me ho bɛto wo so.+
Ase Hɔ Nsɛm
^ Anaasɛ “Sheol.” Nea ɛkyerɛ ne adesamma adamoa. Hwɛ Nkekaho 4.
