Dwom 60:1-12
Wɔde ma dwonkyerɛfo, Sukooko Nkae so. Miktam.* Dawid dwom. Wɔde kyerɛkyerɛ;+ bere a ɔne Aram-Naharaim ne Aram-Soba koe, na Yoab bekunkum Edomfo a wɔn dodow yɛ mpem dumien wɔ Nkyene Bon mu no.+
60 Onyankopɔn, woatow yɛn akyene, woatow ahyɛ yɛn so,+Wo bo afuw. Gye yɛn tom bio ɛ.+
2 Woama asase awosow, woama emu apaapae.+Keka si anim, na awosow.+
3 Woama wo man ahu amane.+Woama yɛanom nsa ma yɛretetew gu.+
4 Wode ahyɛnsode+ asi hɔ ama wɔn a wosuro wo noSɛ agyan nti, wonguan nkɔ benkum ne nifa. Sela.
5 Nea ɛbɛyɛ na wɔagye w’adɔfo no,+Yɛsrɛ wo, fa wo nsa nifa gye yɛn, na tie yɛn.+
6 Onyankopɔn ankasa akasa ne kronkronyɛ mu sɛ:+“Medi ahurusi, mede Sekem bɛma wɔn sɛ wɔn kyɛfa;+Na mesusuw Sukot asasetaw ama wɔn.+
7 Gilead yɛ me dea, Manase nso yɛ me dea,+Na Efraim yɛ me otitiriw abankɛse;Yuda yɛ m’ahempoma.*+
8 Moab yɛ me guasɛn.+Edom na mɛtow me mpaboa ato.+Filistia ho na mɛbɔ ose.”+
9 Hena na ɔde me bɛkɔ kurow a wɔatwa ho ahyia no mu?+Hena koraa na obedi m’anim ara akodu Edom?+
10 Ɛnyɛ wo, Onyankopɔn, na woatow yɛn akyene,+Na wo ne yɛn asafodɔm nkɔ bio sɛ yɛn Nyankopɔn?+
11 O gye yɛn fi ahohia mu,+Efisɛ mfaso bi nni onipa desani nkwagye so.+
12 Onyankopɔn hɔ na yebenya ahoɔden,+Na ɔno na obetiatia yɛn atamfo so.+
Ase Hɔ Nsɛm
^ Hebri asɛmfua no kyerɛ poma tenten bi a ɛkyerɛ hokwan a otitiriw bi wɔ sɛ ɔde ahyɛde ma.
