Dwom 64:1-10
Wɔde ma dwonkyerɛfo. Dawid dwom.
64 O Onyankopɔn, tie me nne, me dadwen mu.+Bɔ me nkwa ho ban, ɔtamfo ho hu nti.+
2 Fa me hintaw fi nnebɔneyɛfo atirimsɛm ho,+Ne amumɔyɛfo sakasakayɛ mu;+
3 Wɔn na wɔasew wɔn tɛkrɛma sɛ nkrante,+Na wɔatwe wɔn agyan, wɔn nsɛm yayaw no mu,+
4 Sɛ́ wobefi ahintawee mu atow awɔ nea ne ho nni asɛm.+Wɔtow wɔ no mpofirim a wonsuro.+
5 Kasafĩ nko ara na wɔka;+Wɔkeka sɛ wobesum mfiri asie.+Wɔka sɛ: “Hena na obehu?”+
6 Adebɔne ara na wɔhwehwɛ;+Wosum nyansafiri sie,+Na obi nhu wɔn mu biara tirim asɛm ne nea ɛwɔ ne koma mu.+
7 Nanso Onyankopɔn de agyan bɛwɔ wɔn mpofirim.+Ebepirapira wɔn,+
8 Wɔma nkurɔfo hwe ase.+Nanso wɔn ankasa anom asɛm tia wɔn.+Obiara a ohu wɔn no bɛwosow ne ti,+
9 Na adesamma nyinaa besuro;+Wɔbɛka Onyankopɔn nnwuma ho asɛm,+
Na wɔbɛte ne nnwuma ase.+
10 Ɔtreneeni bedi ahurusi Yehowa mu, na ɔde no ayɛ guankɔbea;+Koma mu teefo nyinaa bɛhoahoa wɔn ho.+
