Dwom 66:1-20
Wɔde ma dwonkyerɛfo. Ayeyi dwom.
66 Asase so nnipa nyinaa, mommɔ ose mma Onyankopɔn.+
2 Monto dwom nhyɛ ne din anuonyam.+Momfa ayeyi nhyɛ no anuonyam.+
3 Monka nkyerɛ Onyankopɔn sɛ: “Wo nnwuma yɛ hu dɛn ara!+W’ahoɔden dodow nti w’atamfo bɛbrɛ wɔn ho ase ama wo.+
4 Asase so nnipa nyinaa bɛbɔ wɔn mu ase ama wo,+Wɔbɛto dwom ama wo, wɔbɛto dwom ama wo din.”+ Sela.
5 Mommra mmɛhwɛ Onyankopɔn nnwuma.+Sɛnea ɔne nnipa mma di no yɛ hu.+
6 Wama ɛpo adan asase kesee;+Wɔde anammɔn twaa asubɔnten no.+Ɛhɔ na yedii ne mu ahurusi.+
7 Ɔde ne kɛseyɛ di tumi daa daa.+N’ani tua amanaman no.+Asoɔdenfo de, mommma wɔnnhoahoa wɔn ho.+ Sela.
8 Amanaman, munhyira yɛn Nyankopɔn,+Na momma wɔnte n’ayeyi.+
9 Ɔde yɛn kra asi nkwa mu,+Na wamma yɛn nan anwatiriw.+
10 O Onyankopɔn, woapɛɛpɛɛ yɛn mu;+Woanan yɛn ayiyi yɛn mu sɛ dwetɛ.+
11 Woama yɛatɔ atena mu;+Woama yɛn asen mu ayɛ yɛn duru.
12 Woama ɔdesani atwiw afa yɛn ti so;+Yɛafa ogya ne nsu mu,+Na woama yɛanya ɔhome.+
13 Mede ɔhyew afɔre bɛba wo fie;+Mɛma wo me bɔhyɛ ade+
14 A mibuee m’ano kae,+Na me tɛkrɛma kae, ahokyere mu no.+
15 Mede mmoa a wɔadɔ srade bɛbɔ ɔhyew afɔre ama wo,+Ne adwennini afɔrebɔ wusiw.Nantwinini ne mpapo na mede bɛbɔ afɔre.+ Sela.
16 Mo a musuro Onyankopɔn nyinaa, mommra mmetie, na mɛka+Nea wayɛ ama me kra akyerɛ mo.+
17 Ɔno na mede m’ano mefrɛɛ no,+Na mede me tɛkrɛma kamfoo no.+
18 Sɛ masusuw bɔne bi me koma mu a,Anka Yehowa rentie me.+
19 Ampa Onyankopɔn atie me;+Wayɛ aso ama me mpaebɔ.+
20 Nhyira nka Onyankopɔn a wanyi n’aso amfi me mpaebɔ ho,Na wanyi n’adɔe nso amfi me so no.+
