Dwom 68:1-35
Wɔde ma dwonkyerɛfo. Dawid dwom. Ayeyi dwom.
68 Ma Onyankopɔn nsɔre ɛ,+ na n’atamfo mmɔ nhwete,+Na ne nti wɔn a wokyi no kɔkɔkɔkɔ no nguan.+
2 Sɛnea wusiw twam kɔ no, pam wɔn saa ara;+Sɛnea ogya nan srade no,+Ma nnebɔneyɛfo nyera mfi Onyankopɔn anim.+
3 Treneefo de, ma wonni ahurusi,+Ma wɔn ho nsɛpɛw wɔn Onyankopɔn anim,+Ma wɔmfa anigye mmɔ ose.+
4 Monto dwom mma Onyankopɔn, monto dwom mma ne din;+Momma dwom so mma Nea ɔnam tataw so+A ne din de Yah no;+ munni ahurusi, n’anim;
5 Nnyanka agya ne akunafo temmufo+Ne Onyankopɔn a ɔte ne kronkronbea no.+
6 Onyankopɔn ma ankonam nya ofie tena mu;+Ɔma nneduafo di yiye.+Na asoɔdenfo de, asase wosee so na wɔbɛtena.+
7 O Onyankopɔn, bere a wudii wo man anim,+Bere a wode wɔn faa sare so no+—Sela—
8 Asase wosowee,+Ɔsoro nso sosɔe, Onyankopɔn nti;+Sinai yi nso wosowee, Onyankopɔn,+ Israel Nyankopɔn nti.+
9 O Onyankopɔn, wotɔɔ osu pii;+Bere a w’agyapade brɛe mpo, wo ara na wohyɛɛ wɔn den.+
10 Wo man tenatenaa ntamadan mu+—emu na wɔtenatenae;+O Onyankopɔn, wo papayɛ mu na wusiesiee ntamadan maa mmɔborɔni.+
11 Yehowa aka;+Mmea a wɔka asɛmpa no yɛ asafodɔm kɛse.+
12 Asafodɔm so ahene de, guan na woguan.+Nanso ɔbea a ɔte fie mpo, onya asade no bi.+
13 Ɛwom sɛ moda nsõ mu de,Nanso mubenya aborɔnoma a wɔde dwetɛ adura ne ntaban ho,Na wɔde sika a ɛbere dum adura ne ntakra ho.+
14 Bere a ade nyinaa so Tumfoɔ bɔɔ asase no so ahene hwetee no,+Sukyerɛmma fii ase tɔe wɔ Salmon.+
15 Basan+ mmepɔw yɛ Onyankopɔn mmepɔw;+Basan mmepɔw yɛ mmepɔw atenten.+
16 O mmepɔw atenten, dɛn nti na mode ahoɔyaw hwɛBepɔw a Onyankopɔn pɛ sɛ ɔtena so?+Yehowa de, ɛhɔ na ɔbɛtena daa.+
17 Onyankopɔn akodi nteaseɛnam si ɔpedu ne mpempem huhaa.+Yehowa fi Sinai aba ne kronkronbea.+
18 Woforo kɔɔ soro;+Wode nnommum kɔe;+Wode nnipa kɔe sɛ akyɛde,+Asoɔdenfo mpo,+ wɔtenaa wɔn mu,+ O Yah Nyankopɔn.
19 Nhyira nka Yehowa a ɔsoa yɛn adesoa ma yɛn da biara no,+Ɔno ne yɛn nkwagye Nyankopɔn ankasa.+ Sela.
20 Nokware Nyankopɔn no ne yɛn nkwagye Nyankopɔn;+Na Awurade Tumfoɔ+ Yehowa nsam na ɔkwan a wɔde fi owu mu wɔ.+
21 Ampa ara, Onyankopɔn na ɔbɛbobɔ n’atamfo ti pasaa;+Ɔbɛbobɔ obiara a ɔnam afobu mu tikora.+
22 Yehowa aka sɛ: “Basan na mede wɔn befi aba,+Mede wɔn befi ɛpo bun mu aba,+
23 Na ama woahohoro wo nan ho wɔ mogya mu,+Na w’akraman tɛkrɛma nso ataforo atamfo mogya.”+
24 O Onyankopɔn, wɔahu wo santen,+Me Nyankopɔn, me Hene, santen a ɛkɔ kronkronbea hɔ no.+
25 Nnwontofo no na wodi kan, asankubɔfo na wodi akyi;+Wɔn ntam na mmeawa a wɔbɔ mpintin+ no di.
26 Munhyira Onyankopɔn wɔ asafo guabɔ mu,+O mo a mufi Israel mu, munhyira Yehowa.+
27 Benyamin a osua no di nkurɔfo so,+Yuda mmapɔmma ne wɔn dɔm a wɔteɛm nso saa ara,Sebulon mmapɔmma ne Naftali mmapɔmma nso.+
28 Wo Nyankopɔn ahyɛ sɛ ahoɔden mmra wo so.+O Onyankopɔn a woadi ama yɛn, kyerɛ wo tumi.+
29 W’asɔrefie a ɛwɔ Yerusalem no+ nti,Wo na ahene de akyɛde bɛbrɛ wo.+
30 Ka demmire mu mmoa+ no anim, anantwinini kuw no,+Wɔne nnipa a wɔayɛ sɛ anantwi mma a wɔn mu biara tiatia dwetɛ so+ no.Nnipa a wɔpɛ akodi+ no, wabɔ wɔn ahwete.
31 Kɔbere nneɛma befi Egypt aba;+Kus bɛtrɛw ne nsam de akyɛde ama Onyankopɔn.+
32 O asase so ahenni, monto dwom mma Onyankopɔn,+Monto dwom mma Yehowa—Sela—
33 Monto mma Nea ɔte soro mu soro fi teteete no.+Hwɛ! Ɔbobom, ɔde nne a emu yɛ den.+
34 Momma ahoɔden nyɛ Onyankopɔn dea.+N’anuonyam wɔ Israel so, na n’ahoɔden wɔ omununkum mu.+
35 Onyankopɔn, wo ho yɛ hu, wo kronkronbea kɛse hɔ.+Ɔne Israel Nyankopɔn a ɔma ɔman no ahoɔden ne tumi.+Nhyira nka Onyankopɔn.+