Dwom 83:1-18
Dwom. Asaf+ ayeyi dwom.
83 O Nyankopɔn, nyɛ komm;+Nka w’ano ntom, O Tweaduampɔn,+ na nyɛ dinn.
2 Hwɛ! w’atamfo yɛ gyegyeegye;+Na wɔn a wokyi wo kɔkɔkɔkɔ no ama wɔn ti so.+
3 Wɔnam anifere so tu agyina tia wo man;+Na wɔbɔ wɔn a wode wɔn ahintaw no ho pɔw.+
4 Nea wɔka ne sɛ: “Mommra mma yɛmpopa wɔn mfi hɔ na ɔman no nyera,+Na wɔankae Israel din bio.”+
5 Wɔbom tu agyina wɔn koma nyinaa mu;+Wɔyɛ wo ho apam,+
6 Wɔn a wɔtete Edom+ ntamadan mu ne Ismaelfo ne Moab+ ne Hagrifo,+
7 Gebal ne Ammon+ ne Amalek,Filistia+ ne wɔn a wɔtete Tiro.+
8 Asiria nso akɔka wɔn ho;+Wɔayɛ basa ama Lot mma.+ Sela.
9 Yɛ wɔn sɛnea woyɛɛ Midian+ ne Sisera,+Ne Yabin+ wɔ Kison subon+ ho no.
10 Wɔn ase tɔree wɔ En-Dor;+Wɔbɛyɛɛ asase so sumina.+
11 Wɔn atitiriw nso, yɛ wɔn sɛ Oreb ne Seeb;+Yɛ wɔn sɛ Sebah ne Salmuna, wɔn abirɛmpɔn nyinaa;+
12 Wɔn na wɔka sɛ: “Momma yennye Onyankopɔn tenabea mfa.”+
13 O me Nyankopɔn, yɛ wɔn sɛ wura a ehuw kɔ;+Yɛ wɔn sɛ buronan a mframa rebɔ no.+
14 Sɛnea ogya hyew kwae+Na ogyaframa hyehyew mmepɔw so no,+
15 Saa ara na fa wo mframaden taa wɔn,+Na fa w’ahum hunahuna wɔn.+
16 O Yehowa, ma animguase nka wɔn,+Na nkurɔfo ahwehwɛ wo din akyi kwan.+
17 Ma wɔn ani nwu, na wɔn ho nyeraw wɔn daa;+Ma wɔn anim ngu ase na wɔnsɛe;+
18 Na nnipa nhu+ sɛ wo a wo din de Yehowa+ no,Wo nko ara ne Ɔsorosoroni,+ asase nyinaa so.+
