Dwom 84:1-12
Wɔde ma dwonkyerɛfo, Gitit*+ so. Kora mma dwom. Ayeyi dwom.
84 Hwɛ sɛnea wo ntamadan kɛse no som bo ma me,+O asafo Yehowa!+
2 Me kra ani agyina Yehowa fie adiwo, na abotow.+Me koma ne me honam to ahurusi dwom ma Onyankopɔn teasefo no.+
3 Anomaa mpo anya atenae wɔ hɔ;Asomfena nso ayɛ ne berebuw wɔ hɔ,Na ɔde ne mma agu mu—Baabi a w’afɔremuka kɛse no wɔ, O asafo Yehowa a woyɛ me Hene ne me Nyankopɔn!
4 Anigye ne wɔn a wɔte wo fie!+Woyi wo ayɛ daa.+ Sela.
5 Anigye ne nnipa a wɔde wo ayɛ wɔn ahoɔden,+Ná wɔn koma da kwantempɔn no so.+
6 Sɛ wɔnam baka* nnua+ no mu wɔ asasetaw no so a,Wɔfa no sɛ ɛhɔ yɛ nsuti;Ɛno mu na ɔkyerɛkyerɛfo+ no de nhyira dura ne ho.
7 Wɔnantew fi ahoɔden mu kɔ ahoɔden mu;+Wɔn mu biara bepue Onyankopɔn anim wɔ Sion.+
8 O asafo Yehowa Nyankopɔn, tie me mpaebɔ;+Yɛ aso ɛ, Yakob Nyankopɔn.+ Sela.
9 O Onyankopɔn, yɛn kyɛm, hwɛ ɛ,+Hwɛ nea woasra no no anim.+
10 Efisɛ wo fie adiwo da koro di ye sen nna apem wɔ baabi foforo.+Megyina me Nyankopɔn fie kwan ano mmom+Sen sɛ mɛnenam amumɔyɛfo ntamadan mu.+
11 Yehowa Nyankopɔn yɛ owia+ ne ɔkyɛm;+Adom ne anuonyam na ɔde ma.+Yehowa de, ɔremfa adepa biara nkame wɔn a wɔnantew teeyɛ mu no.+
12 O asafo Yehowa, anigye ne onipa a ɔde ne ho to wo so.+
