Dwom 88:1-18
Dwom. Kora mma ayeyi dwom. Wɔde ma dwonkyerɛfo, Mahalat* so, sɛ wɔmfa nyɛ nnyeso. Esrahini Heman+ Maskil.*
88 O Yehowa, me nkwagye Nyankopɔn,+Adekyee na misu mefrɛ wo,+Ne adesae, w’anim.+
2 Me mpaebɔ bedu w’anim.+Yɛ aso ma me sufrɛ.+
3 Me kra abrɛ ne amanehunu,+Na me nkwa abɛn Adamoa.*+
4 Wɔakan me afra wɔn a wɔrekɔ amoa mu;+Mayɛ sɛ ɔbarima a n’ahoɔden asa,+
5 Nea ne ho atɔ no sɛ owufo;+Mayɛ sɛ atɔfo a wɔdeda amusiei+A wonkae wɔn bio;Wɔn a woayi wo nsa a ɛbɔ wɔn ho ban afi wɔn so no.+
6 Wode me ato amoa a emu dɔ mu,Amoa donkudonku mu, esum mu.+
7 W’abufuw atow ahyɛ me so,+Na woama w’asorɔkye nyinaa abu afa me so.+ Sela.
8 Woama m’amannifo afi me ho kɔ akyirikyiri;+Woama madan abofonode ama wɔn.+Minnya me ho atwaye na matumi afi adi.+
9 M’amanehunu nti, m’ani so ayɛ wusiwusi.+O Yehowa, masu mafrɛ wo da mũ nyinaa;+Wo na matrɛw me nsam akyerɛ wo.+
10 Wobɛyɛ anwonwade akyerɛ wɔn a wɔawuwu?+Anaa awufo bɛsɔre+Na wɔakamfo wo?+ Sela.
11 Amusiei na wɔbɛka w’adɔe ho asɛm?Anaasɛ wɔbɛka wo nokwaredi ho asɛm wɔ ɔsɛe amoa mu?+
12 Woyɛ anwonwade wɔ sum mu a, wobehu?+Na wo trenee nso, wobehu wɔ ɔdesani awiei asase so?+
13 O Yehowa, wo na misu mefrɛ wo,+Na anɔpa biara, me mpaebɔ pue w’anim.+
14 O Yehowa, dɛn nti na woatow me kra akyene yi?+Dɛn nti na wode w’anim ahintaw me?+
15 Mayɛ ɔmanehunufo a ɔreyɛ awu fi me mmofraase;+Woama ahude pii aba me so.+
16 W’abufuhyew nenam me ho pɛɛ;+Wo ho ahude ama matɔ mum.+
17 Etwa me ho hyia sɛ nsu daa nyinaa;+Ne nyinaa bom ba me so prɛko pɛ.
18 Woama me nnamfo ne me mfɛfo afi me ho kɔ akyirikyiri;+Esum na abɛyɛ me mannifo.+
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
