Dwom 9:1-20
Wɔde ma dwonkyerɛfo, Mut-laben* so. Dawid dwom.
א [ʼAʹleph]
9 Mede me koma nyinaa mɛkamfo wo, O Yehowa;+Mɛka w’anwonwadwuma nyinaa ho asɛm.+
2 Medi ahurusi na manya anigye wo mu,+O Ɔsorosoroni, mɛto dwom ama wo din.+
ב [Behth]
3 Sɛ m’atamfo san wɔn akyi a,+Wobehintiw na wɔayera w’anim.+
4 Efisɛ woabu atɛn, na woadi m’asɛm ama me;+Woatena ahengua so abu atɛn trenee mu.+
ג [Giʹmel]
5 Woaka amanaman anim,+ na woasɛe nnebɔneyɛfo.+Woapopa wɔn din korakora, daa afebɔɔ.+
6 O ɔtamfo, wo sɛe korakora aba,+Ɛne nkurow a woatutu ase no nso.+Wɔn din mpo bɛyera.+
ה [Heʼ]
7 Yehowa de, ɔbɛtena ahengua so akosi daa,+Na ɔde n’atemmu agua+ betim hɔ pintinn.
8 Ɔno na obebu asase atɛn trenee mu;+Obedi amanaman asɛm teeyɛ mu.+
ו [Waw]
9 Yehowa bɛyɛ abantenten ama ɔwerɛhoni,+Ahohia bere mu abantenten.+
10 Wɔn a wonim wo din de wɔn ho bɛto wo so,+Na wɔn a wɔhwehwɛ wo no, O Yehowa, worennyaw wɔn.+
ז [Zaʹyin]
11 Monto dwom mma Yehowa a ɔte Sion+ no;Monka ne nnwuma ho asɛm amanaman mu.+
12 Sɛ ɔhwehwɛ mogyahwiegufo+ a, ɔbɛkae ne nkurɔfo;+Ne werɛ remfi mmɔborɔni sufrɛ da.+
ח [Chehth]
13 Hu me mmɔbɔ, O Yehowa; hwɛ sɛnea m’atamfo hiahia me ho,+O wo a woma me so fi owu apon ano,+
14 Na ama matumi aka w’ayeyi nnwuma+ nyinaaSion babea+ apon ano,+Na manya anigye wo nkwagye mu.+
ט [Tehth]
15 Amanaman no atɔ amoa a wɔatu mu;+Asau+ a wɔde hintawee no, ayi wɔn ankasa nan.+
16 Yehowa nam atɛn a obu so ma wohu no.+Ɔdebɔneyɛfo nsa ano adwuma na esum no afiri.+Higayon. Sela.
י [Yohdh]
17 Nnebɔneyɛfo+ bɛsan akɔ Adamoa* mu,+Aman a wɔn werɛ afi Onyankopɔn no nyinaa.+
18 Ɛnyɛ da biara na wɔrenkae ohiani,+Na ɛnyɛ da biara na ahobrɛasefo anidaso bɛyera.+
כ [Kaph]
19 O Yehowa, sɔre ɛ! Mma onipa desani nnni nkonim.+Ma wommu amanaman no atɛn w’anim.+
20 Ma wɔmmɔ hu, O Yehowa,+Na amanaman no nhu sɛ wɔyɛ nnipa ara kwa.+ Sela.
Ase Hɔ Nsɛm
^ Mut-laben yɛ Hebri asɛm bi a wonnim nea ɛkyerɛ pɔtee, nanso ebinom kyerɛ ase sɛ “ɛfa ɔbabarima no wu ho.”
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
