Dwom 90:1-17
Nokware Nyankopɔn nipa Mose+ mpaebɔ.
90 O Yehowa, wone yɛn tenabea+Awo ntoatoaso nyinaa mu.+
2 Wunnya nwoo mmepɔw,+Na wunnya nwoo asase+ ne wiase+ no,Na woyɛ Onyankopɔn fi mmeresanten kosi mmeresanten.+
3 Woma ɔdesani san dan mfutuma,+Na woka kyerɛ wɔn sɛ: “Nnipa mma, monsan nkɔ dɔte mu.”+
4 Mfe apem twam w’ani so sɛ nnɛra yi ara,+Na ɛte sɛ anadwo mu dɔn biako pɛ.+
5 Woapra wɔn kɔ;+ wɔte sɛ nna;+Anɔpa, wɔte sɛ sare momono a ɛsesa.+
6 Eyi nhwiren anɔpa, na ɛsesa;+Edu anwummere a, etwintwam na ewu.+
7 Yɛn awiei aba, w’abufuw nti,+Na w’abufuhyew ama yɛahaw.+
8 Wode yɛn mfomso asi w’anim,+Na wode yɛn sum ase nneyɛe aba w’anim hann mu.+
9 Yɛn nkwa nna nyinaa so atew, w’abufuw nti;+Yɛawie yɛn mfe di sɛ hwirema.+
10 Yɛn mfe nna de, ɛyɛ aduɔson;+Na sɛ yɛwɔ ahoɔden paa a, na edu aduɔwɔtwe,+Nanso ɔhaw ne amanehunu nkutoo na ahyɛ mu mã;+Etwam ntɛm, na yɛyera.+
11 Hena na onim sɛnea w’abufuw mu yɛ den fa,+Ne w’abufuhyew, sɛnea osuro a ɛfata wo no te?+
12 Kyerɛ yɛn yɛn nna kan+Na yɛanya nyansa koma.+
13 O Yehowa, san bra!+ Enkosi da bɛn?+Ma wo nkoa asɛm nyɛ wo mmɔbɔ.+
14 Ma w’adɔe mmee yɛn anɔpa,+Na yɛatumi abɔ ose na yɛato ahurusi dwom yɛn nkwa nna nyinaa.+
15 Ma yenni ahurusi sɛ nna dodow a woma wohiahiaa yɛn ho no te,+Mfe a yehuu amane no.+
16 Ma w’adwuma nna adi mma wo nkoa,+Ne w’anuonyam, wɔn mma so.+
17 Ma Yehowa yɛn Nyankopɔn anuonyam mmra yɛn so,+Na ma yɛn nsa ano adwuma nyɛ yiye.+Yɛn nsa ano adwuma no, ma ɛnyɛ yiye.+
