Dwom 95:1-11
95 Mommra ɛ, momma yɛnto ahurusi dwom mma Yehowa!+Momma yɛmmɔ yɛn nkwagye Botan no ose.+
2 Momma yɛmfa aseda nkɔ n’anim;+Momma yɛmfa dwom mmɔ no ose.+
3 Na Yehowa yɛ Onyankopɔn kɛse+Ne Ɔhenkɛse wɔ anyame nyinaa so;+
4 Ne nsam na asase ase tɔnn wɔ,+Na ɔno na mmepɔw atenten wɔ no;+
5 Ɔno na ɛpo a ɔyɛe no yɛ ne dea,+Na ne nsa na ɛyɛɛ asase kesee no.+
6 Mommra ɛ, momma yɛnsom na yɛmmɔ yɛn mu ase;+Momma yɛnkotow+ yɛn Bɔfo Yehowa+ anim.
7 Na ɔno ne yɛn Nyankopɔn, na yɛyɛ n’adidibea nkurɔfo ne ne nsam nguan.+Ɛnnɛ, sɛ mote Onyankopɔn nne a,+
8 Mummpirim mo koma sɛnea esii wɔ Meriba,+Masa* da no, sare so hɔ,+
9 Bere a mo agyanom gyigyee me no;+Wɔsɔɔ me hwɛe, nanso na wɔahu me nnwuma.+
10 Awo ntoatoaso yi ho yɛɛ me aniwu mfe aduanan,+Na mekae sɛ:
“Wɔyɛ ɔman a wɔayera wɔn komam,+Na wonhuu m’akwan”;+
11 Wɔn na mekaa wɔn ho ntam m’abufuw mu sɛ:+“Wɔrenhyɛn me home mu.”+
Ase Hɔ Nsɛm
^ Nea ɛkyerɛ ankasa ne “sɔhwɛ.”
