Dwom 99:1-9
99 Yehowa afi ase redi hene.+ Momma amanaman no ho mpopo.+Ɔte kerubim so.+ Momma asase nhinhim.+
2 Yehowa yɛ kɛse wɔ Sion,+Na ɔyɛ ɔsorosoroni wɔ aman nyinaa so.+
3 Ma wɔnkamfo wo din.+Ɛyɛ kɛse na ɛyɛ hu, ɛyɛ kronkron nso.+
4 Ɔhene ahoɔden na ɔde bɛdɔ atɛntrenee.+Wo na woama teeyɛ atim.+Woama atɛntrenee ne adetrenee reyɛ adwuma wɔ Yakob mu.+
5 Momma Yehowa yɛn Nyankopɔn so,+ na monkotow ne nan ntiaso anim.+Ɔyɛ kronkron.+
6 Mose ne Aaron ka n’asɔfo ho,+Na Samuel nso ka wɔn a wɔbɔɔ ne din no ho.+Wɔfrɛɛ Yehowa, na ɔno nso gyee wɔn so daa.+
7 Omununkum dum mu na ɔne wɔn kasae.+Wodii ne nkaesɛm ne ahyɛde a ɔde maa wɔn no so.+
8 O Yehowa yɛn Nyankopɔn, wo na wutiee wɔn.+Woyɛɛ fafiri Nyankopɔn maa wɔn,+Na wutuaa wɔn nneyɛe bɔne so ka.+
9 Momma Yehowa yɛn Nyankopɔn so,+Na monkotow no wɔ ne bepɔw kronkron no so.+Efisɛ Yehowa yɛn Nyankopɔn yɛ kronkron.+
