Sakaria 9:1-17
9 Atemmusɛm:+
“Yehowa ne Hadrak asase wɔ asɛm na ebewie Damasko+ so, efisɛ Yehowa ani wɔ ɔdesani+ biara ne Israel mmusuakuw nyinaa so.
2 Hamat+ ne no bɔ hye; Tiro+ ne Sidon,+ efisɛ onim nyansa+ papa.
3 Tiro sii abankɛse, na ɔboaboaa dwetɛ pii ano te sɛ mfutuma, ne sika pii ano te sɛ abɔnten so atɛkyɛ.+
4 Nanso Yehowa ankasa betu no agu, na ɔbɛbɔ n’asraafodɔm agu po mu,+ na ɔno de, ogya bɛhyew no.+
5 Askelon behu na wasuro, na Gasa nso ho bɛhyehye no; Ekron+ nso saa ara, efisɛ n’anidaso+ bewie animguase mu. Na ɔhene bɛyera afi Gasa, na obiara rentena Askelon.+
6 Na ɔhɔho+ begye agua wɔ Asdod,+ na metwa Filistifo ahantan akyene.+
7 Na meyi ne mogya afi n’anom na mayi n’atantanne afi ne sẽ mu,+ na obegyaw no ama yɛn Nyankopɔn; na ɔbɛyɛ sɛ abusuapanyin+ wɔ Yuda+ na Ekron ayɛ sɛ Yebusini.+
8 Na mɛyɛ me ho dɔm awɛn me fie+ ho, na obiara remfa hɔ nkɔ, na ɔremfi hɔ mma. Obiara remfa hɔ mmɛhyɛ wɔn so,+ efisɛ nea ɛrekɔ so nyinaa, m’ani tua.+
9 “O Sion babea, ma w’ani nnye.+ O Yerusalem babea, teɛm bɔ ose.+ Hwɛ, wo hene+ reba wo nkyɛn.+ Ɔyɛ ɔtreneeni na wɔagye no nkwa;+ ɔbrɛ ne ho ase,+ na ɔte afurum so, afurummere ba so.+
10 Na metwitwa teaseɛnam mu afi Efraim ne ɔpɔnkɔ mu afi Yerusalem.+ Na wobetwitwa akodi agyan+ mu. Na ɔbɛka asomdwoesɛm akyerɛ aman.+ Na obedi hene afi po so akɔ po so, afi asubɔnten kɛse no ano akosi asase ano.+
11 “O ɔbea, w’apam mogya+ nti meyi wo nneduafo+ afi amoa a nsu nnim mu.
12 “Nneduafo a mowɔ anidaso,+ monsan mmra abannennen no mu.+
“O ɔbea, mereka akyerɛ wo nnɛ sɛ, ‘Metua wo ka mmɔho.+
13 Mekuntun Yuda mu sɛ m’agyan. Na mede Efraim bɛhyɛ agyan no mu; na mɛkanyan wo mma,+ O Sion, atia wo mma, O Hela.+ Hwɛ, Sion, mɛyɛ wo sɛ dɔmmarima nkrante.’+
14 Na Yehowa beyi ne ho adi wɔ wɔn so,+ na n’agyan befi akɔ te sɛ anyinam.+ Awurade Tumfoɔ Yehowa ankasa bɛhyɛn abɛn,+ na ɔbɛfa anafo ahum mu akɔ.+
15 Asafo Yehowa begyina wɔn akyi, na wɔbɛmemene+ akorabo adi so korakora. Na wɔbɛnom+ ayɛ hagyahagya te sɛ nea wɔanom nsã. Wɔbɛyɛ mã te sɛ kuruwa, te sɛ afɔremuka ntwea so.+
16 “Na saa da no, Yehowa wɔn Nyankopɔn begye wɔn+ te sɛ ne nguankuw, ne man;+ na wɔbɛhyerɛn n’asase so te sɛ ahemmotiri mu abo.+
17 Hwɛ sɛnea ne papayɛ sõ fa,+ na hwɛ sɛnea ne ho yɛ fɛ fa!+ Aduan bɛma mmerante ayɛ frɔmfrɔm na nsã foforo ama mmaabun ho ayɛ fɛ.”+
