Solomon Dwom 1:1-17
1 Nnwom mu dwom,+ Solomon dwom:+
2 “Ma ɔmfa n’ano mfewano mmefew m’ano.+ Hwɛ, wo dɔ yɛ dɛ sen bobesa.+
3 Wo ngo+ yɛ huam papaapa, na wo din te sɛ ngohuam a wɔrehwie.+ Ɛno nti na mmabaa dɔ wo no.
4 Twe me di w’akyi+ na yentu mmirika. Ɔhene de me aba ne mpia mu!+ Ma yɛn ani nnye na yenni ahurusi. Ma yɛnka wo dɔ ho asɛm nsen bobesa.+ Ɛno nti na wɔdɔ wo saa no.+
5 “Yerusalem mmabea,+ meyɛ ɔbea tuntum, nanso me ho yɛ fɛ, te sɛ Kedar+ ntamadan ne Solomon ntwamutam.+
6 Monnhwɛ me sɛ mibiri nti, sɛ owia ahye me nti. M’ankasa me maame mmabarima mpo bo fuw me. Wɔma mehwɛɛ bobeturo so, na m’ankasa me bobeturo+ de, manhwɛ so.
7 “Me kra dɔfo,+ kyerɛ me faako a wohwɛ wo nguan+ na woma wɔhome awiabere. Adɛn nti na minkyinkyin wo mfɛfo nguan mu te sɛ ɔbea a ofura awerɛhow?”
8 “Mmea mu ɔhoɔfɛfo,+ sɛ wunnim hɔ a, kodi nguan no anammɔn akyi na wo mmirekyi mma nnidi wɔ nguanhwɛfo no ntamadan ho.”
9 “Me komam hemmaa,+ m’ani so de, wote sɛ ɔpɔnkɔbere wɔ Farao teaseɛnam ho.+
10 W’afono yɛ fɛ wɔ mmɛsa mu, na wo kɔn ho twa wɔ ahene mu.+
11 Yɛde sika kɔkɔɔ bɛyɛ abotiri ama wo+ na yɛde dwetɛ nso ayɛ agude.”
12 “Bere a ɔhene te ne pon ho yi, me nerdo*+ sradehuam afi ase reyi hua.+
13 Mihu me dɔfo sɛ kurobow+ kotoku mã; me nufu+ ntam na ɔbɛda anadwo yi.
14 Mihu me dɔfo sɛ lele*+ nhwiren wɔ En-Gedi+ bobeturo mu.”
15 “Hwɛ, me komam hemmaa, wo ho yɛ fɛ!+ Mise, wo ho yɛ fɛ! W’aniwa yɛ aborɔnoma aniwa.”+
16 “Me dɔfo, wo ho yɛ fɛ,+ na wo ho nso twa. Yɛn mpa+ nso yɛ ahaban momono frɔmfrɔm.
17 Yɛn dan so nnua yɛ kyeneduru,+ na yɛn mpuran yɛ ɔpopaw.
