Yakobo 3:1-18
3 Me nuanom, ɛnsɛ sɛ mo mu bebree yɛ akyerɛkyerɛfo,+ efisɛ munim sɛ yɛn mmom na yebenya atemmu a emu yɛ duru.+
2 Ɛne sɛ yɛn nyinaa di mfomso mpɛn pii.+ Sɛ obi nni mfomso wɔ kasa mu a,+ ɛkyerɛ sɛ saa onipa no yɛ pɛ+ a otumi to ne nipadua mũ no nyinaa nso nnareka.
3 Sɛ yɛto apɔnkɔ anom nnareka+ ma wotie yɛn a,+ yetumi dannan aboa mũ no nyinaa nso.
4 Hwɛ! Ɛhyɛn mpo, ɛwom sɛ ɛsõ na mframa dennen na etumi twe no de, nanso akyerɛkyerɛkwan+ ketewaa bi na ɛdannan no kɔ baabi a ɔhyɛnkafo no pɛ.
5 Saa ara na tɛkrɛma no nso yɛ kwaa ketewa nanso etu ne ho paa.+ Hwɛ! Ogya ketewaa a etumi hyew kwae mũ!
6 Tɛkrɛma yɛ ogya.+ Tɛkrɛma yɛ nipadua kwaa a amumɔyɛ ahyɛ no mã, efisɛ ɛde nkekae ba nipadua no nyinaa ho+ na ɛde ogya to asetena kwan nyinaa mu, na Gehenna na ɛsɔ gya no.
7 Na nkekaboa ne nnomaa ne mmoa a wɔwea ne mmoa a wɔwɔ po mu nyinaa, ɔdesani tumi dwudwo wɔn na odwudwo wɔn ankasa.+
8 Nanso tɛkrɛma de, ɔdesani biara ntumi nni so. Ɛyɛ adebɔne a wontumi nnwudwo no a awuduru ahyɛ no mã.+
9 Ɛno na yɛde hyira Yehowa,+ Agya no,+ na ɛno ara nso na yɛde dome+ nnipa a wɔayɛ wɔn “Onyankopɔn sɛso” no.+
10 Ano koro no ara mu na nhyira ne nnome fi ba.
Me nuanom, ɛnyɛ papa sɛ eyi bɛkɔ so saa.+
11 Asuti+ biako betumi apuw nsu dɛdɛ ne nwenenwene afi faako anaa?
12 Me nuanom, borɔdɔma dua betumi asow ngodua aba? Na bobe nso betumi asow borɔdɔma?+ Saa ara nso na nsu nkyenenkyene rentumi mma nsu dɛdɛ.
13 Mo mu hena na ɔyɛ onyansafo na n’adwenem abue? Ma ɔmfa ne bra pa no nna ne nnwuma adi+ denam odwo a efi nyansam so.
14 Na sɛ mowɔ ahoɔyaw+ denneennen ne mansotwe+ wɔ mo komam a, monnhoahoa mo ho+ nnni atoro nntia nokware no.+
15 Eyi nyɛ nyansa a efi soro ba no,+ na mmom ɛyɛ asase so+ ne honam ne adaemone de.+
16 Na baabi a ahoɔyaw+ ne mansotwe wɔ no, ɛhɔ na sakasaka ne akyide biara wɔ.+
17 Na nyansa+ a efi soro no de, nea edi kan no, ɛho tew,+ ɛpɛ asomdwoe,+ ɛwɔ ntease,+ ɛyɛ asoɔmmerɛw, mmɔborɔhunu ne aba pa+ ayɛ no mã, ɛnhwɛ nnipa anim nyɛ nyiyim,+ ɛnyɛ nyaatwom.+
18 Bio nso, wodua trenee+ aba+ wɔ asomdwoe+ mu ma wɔn a wɔpɛ asomdwoe.+
