Yeremia 10:1-25
10 O Israel fie, muntie asɛm a Yehowa aka atia mo.
2 Nea Yehowa aka ni: “Munnsua amanaman no kwan biara,+ na munnsuro ɔsoro nsɛnkyerɛnne, na amanaman no na wosuro eyinom.+
3 Amanaman no amanne+ no yɛ mframa ara kwa, efisɛ kwae mu dua+ na wɔatwa, odwumfo nsa ano adwuma a ɔde ɔsosɔw ayɛ.+
4 Wɔde dwetɛ ne sika yɛ no fɛfɛɛfɛ.+ Wɔde dadewa ne asae bobom, na anhinhim.+
5 Wɔte sɛ ɛfere afuw so krakrabotobi a wɔnkasa.+ Ɔsoa na wɔsoa wɔn, efisɛ wontumi ntutu wɔn anammɔn.+ Munnsuro wɔn efisɛ wɔrentumi mfa mmusu biara mma, na wɔrentumi nyɛ adepa biara nso.”+
6 O Yehowa, obiara nni hɔ a ɔte sɛ wo.+ Woyɛ kɛse, na wo din sõ na ɛkorɔn.+
7 O amanaman Hene,+ hena na ɔrensuro wo,+ efisɛ wofata. Amanaman no anyansafo nyinaa ne wɔn ahenni nyinaa mu no, obiara nni hɔ a ɔte sɛ wo.+
8 Wɔn nyinaa yɛ agyimfo ne nkwaseafo.+ Dua twetwe nnipa kɔ nneɛma huhuw ho kwa.+
9 Wɔde dwetɛ a wɔaboro no ntraantraa fi Tarsis+ ba, na wɔde sika nso fi Ufas+ ba; ɛyɛ odwumfo ne ɔtomfo nsa ano adwuma. Ahama bruu ntama ne ntama a ɛbere dum na efura wɔn. Ne nyinaa yɛ adwumfo nsa ano adwuma.+
10 Ampa ara, Yehowa ne Onyankopɔn.+ Ɔno ne Onyankopɔn teasefo+ ne daa Hene.+ N’abufuhyew nti, asase bɛwosow,+ na ɔman biara nni hɔ a ebegyina n’abohuru ano.+
11 Nea monka nkyerɛ wɔn ni: “Anyame+ a wɔanyɛ ɔsoro ne asase no, wɔn na wɔbɛyera+ afi asase so ne ɔsoro ase.”
12 Ɔno na ɔde ne tumi yɛɛ asase,+ na ɔde ne nyansa maa asase tim hɔ;+ Ɔno na ɔde ne nhumu trɛw ɔsoro mu.+
13 Sɛ ɔma ne nne so a, nsu bobom wɔ soro,+ na ɔma suwusiw fi asase ano nohoa foro kɔ.+ Wayiyi akwan ama osu,+ na ɔde mframa fi n’asan mu ba.+
14 Nnipa nyinaa nni ntease ma enti wonni nimdeɛ.+ Ɔtomfo biara ani bewu ne honi a wayɛ ho,+ efisɛ ne dade honi yɛ nnaadaa,+ na honhom nni wɔn mu.+
15 Ɛyɛ ahuhude, asereserede.+ Akontaabu da no, wɔbɛsɛe.+
16 Yakob Kyɛfa nte sɛ eyinom,+ efisɛ ɔno ne nneɛma nyinaa Yɛfo,+ na Israel yɛ n’agyapade poma.+ Asafo Yehowa ne ne din.+
17 O ɔbea a wote ahohia mu,+ boaboa w’ahode ano fi asase no so.+
18 Nea Yehowa aka ni: “Hwɛ, mereto asase no sofo sɛ ataabo saa bere yi,+ na mehiahia wɔn ho ama wɔahu.”+
19 Me sɛe nti minnue!+ Me pirakuru nni sabea. M’ankasa maka sɛ: “Me yare ni, na mɛsoa.+
20 Me ntamadan asɛe, na me ntampehama nyinaa mu atetew.+ Me mma afi me ho, na wonni hɔ bio.+ Obiara nni hɔ a ɔbɛyere me ntamadan mu na wama me ntampehama so.
21 Nguanhwɛfo adan agyimfo,+ na wɔnhwehwɛɛ Yehowa mpo.+ Ɛno nti na wɔanni nyansasɛm no, na wɔn mmoa a wɔkɔ adidi nyinaa ahwete.”+
22 Muntie! Amanneɛbɔ bi reba! Na gyegyeegye kɛse bi nso fi atifi fam asase so reba,+ sɛ wɔrebɛyɛ Yuda nkurow amamfõ ne sakraman atenae.+
23 O Yehowa, minim sɛ ɔdesani kwan nni ne nsam. Enni onipa nsam, sɛnea ɔnam a obetutu n’anammɔn.+
24 O Yehowa, teɛ me so, nso yɛ no atɛntrenee so,+ ɛnyɛ w’abufuw so,+ na woampopa me amfi hɔ.+
25 Hwie w’abufuw gu aman+ a wɔapo wo no so,+ ne mmusua a wɔmmɔ wo din no so.+ Wɔamene Yakob.+ Wɔamene no, na wɔretɔre n’ase.+ Wɔama ne tenabea adan amamfõ.+
