Yeremia 46:1-28
46 Yehowa asɛm a ɛbaa odiyifo Yeremia nkyɛn wɔ amanaman+ no ho ni.
2 Egypt+ de: Egypt hene Farao Neko+ asraafo a wɔwɔ asubɔnten Eufrate ho wɔ Karkemis+ a Babilon hene Nebukadresar dii wɔn so nkonim wɔ Yuda hene Yehoiakim,+ Yosia ba no afe a ɛto so anan mu no ho asɛm ni:
3 “Munsiesie nkatabo ne akyɛm akɛse na monkɔ ɔko.+
4 O apɔnkɔsotefo, munsiesie apɔnkɔ na montenatena so, na monhyehyɛ dade kyɛw nnyinagyina hɔ. Muntwiw mpeaw ho. Monhyehyɛ akotade.+
5 “‘Dɛn nti na mihu wɔn sɛ wɔabɔ hu yi? Wɔasan wɔn akyi, na wɔabobɔ wɔn nnɔmmarima pasaa; wɔaguan a wɔantwa wɔn ani.+ Ehu nko ara na atwa wɔn ho ahyia,’+ Yehowa asɛm ni.
6 ‘Mma ɔhoɔharefo nnyɛ sɛ ɔreguan, na mma ɔdɔmmarima nnyɛ n’adwene sɛ obefi hɔ akɔ.+ Wɔahintihintiw ahwehwe ase wɔ atifi+ fam, asubɔnten Eufrate ano.’+
7 “Hena na ɔreba sɛ Asubɔnten Nil ne nsubɔnten a emu nsu bu fa so yi?+
8 Egypt foro ba te sɛ Asubɔnten Nil,+ ɔba te sɛ nsubɔnten a emu nsu bu fa so.+ Na ɔka sɛ, ‘Mɛforo akɔ. Meyiri akata asase so. Mɛka me ho akɔsɛe kurow no ne emufo.’+
9 Apɔnkɔ, momforo nkɔ ɛ; nteaseɛnam, munnye bum! Momma nnɔmmarima mforo nkɔ, Kus+ ne Put+ mmarima a wokurakura akyɛm ne Ludim+ mmarima a wokurakura agyan na wokuntun mu no.
10 “Ɛda no yɛ Awurade Tumfoɔ, asafo Yehowa da, aweredi da a ɔbɛtɔ n’atamfo so were.+ Na nkrante bedi nam na ɛbɛnom wɔn mogya amee, na Awurade Tumfoɔ,+ asafo Yehowa bɛbɔ afɔre+ atifi fam asase no so, asubɔnten Eufrate+ ho.
11 “O ɔbaabun, Egypt babea,+ foro kɔ Gilead kɔpɛ balsam+ ngo. Woama wo nnuru adɔɔso kwa. Ayaresa bi nni hɔ mma wo.+
12 Amanaman no ate w’animguase,+ na wo sũ ahyɛ asase no so ma.+ Ɔdɔmmarima hintiw ɔdɔmmarima so,+ na wɔn baanu nyinaa hwehwe ase.”
13 Asɛm a Yehowa ka kyerɛɛ odiyifo Yeremia wɔ Babilon hene Nebukadresar ho sɛ ɔbɛba abɛsɛe Egypt asase+ no ni:
14 “Monka wɔ Egypt, mommɔ dawuru wɔ Migdol,+ na mommɔ dawuru wɔ Nof+ ne Tapanes.+ Monka sɛ, ‘Gyina hɔ, na siesie wo ho,+ efisɛ nkrante bedi nam atwa wo ho ahyia.+
15 Dɛn nti na wɔahohoro w’atumfoɔ kɔ yi?+ Wɔantumi annyina, efisɛ Yehowa na wapam wɔn.+
16 Wama bebree ahintihintiw, na wɔahwehwe ase nso. Wɔkeka kyerɛ wɔn ho sɛ: “Sɔre, ma yɛnsan nkɔ yɛn nkurɔfo nkyɛn ne yɛn abusuafo asase so, atirimɔden nkrante no nti.”’
17 Ɛhɔ na wɔteɛm sɛ, ‘Egypt hene Farao ano yɛ den kwa.+ Wama afahyɛ bere atwam.’+
18 “‘Sɛ́ mete ase yi,’ Ɔhene a ne din de asafo Yehowa no asɛm ni,+ ‘sɛnea Tabor+ si mmepɔw mu na Karmel+ si po ho no, saa na ɔbɛba.
19 Hyehyɛ nkoasom nneɛma,+ O Egypt babea+ a wote kurow no mu. Na Nof+ bɛdan ahodwiriwde, na wɔde ogya bɛhyew, na obi rentena mu.+
20 Egypt te sɛ nantwibere kumaa a ne ho yɛ fɛ paa. Atifi fam na ntontom befi aba ne so.+
21 Asraafo a wabɔ wɔn paa a wɔabɛka wɔn ho no nso te sɛ anantwi mma+ a wɔadɔ srade. Wɔn nso adan wɔn ho abom aguan.+ Wɔantumi annyina,+ efisɛ wɔn amanehunu da aba wɔn so, wɔn akontaabu da no.’+
22 “‘Ne nne te sɛ ɔwɔ a ɔtwe ne ho ase;+ mmarima de ahoɔden kɛse bɛba, na nkuma na wɔde bɛba ne so te sɛ wɔn a wobu nnua.
23 Wobebu ne kwae+ agu, efisɛ ɔkwan nna mu,’ Yehowa asɛm ni. ‘Wɔdɔɔso sen mmoadabi;+ wɔn dodow nni ano.
24 Egypt babea+ ani bewu. Wɔde no bɛhyɛ atifi famfo nsa.’+
25 “Asafo Yehowa, Israel Nyankopɔn no aka sɛ, ‘Hwɛ, mede m’ani resi Amon+ a ɔwɔ Noh+ no so, ne Farao so ne Egypt so ne n’anyame+ so ne n’ahene+ so, ne Farao ne wɔn a wɔde wɔn ho to no so+ nyinaa so.’
26 “‘Na mede wɔn bɛhyɛ wɔn a wɔrehwehwɛ wɔn kra no nsa; mede wɔn bɛhyɛ Babilon hene Nebukadresar+ ne ne nkoa nsa, na ɛno akyi no, nnipa bɛtena mu bio sɛ kan no,’+ Yehowa asɛm ni.
27 “‘Na wo, m’akoa Yakob, nsuro, na mma wo bo nntu, O Israel.+ Megye wo nkwa wɔ akyirikyiri, na magye w’asefo afi wɔn nkoasom asase so.+ Na Yakob bɛsan aba, na ne ho bedwo no na watena hɔ dwoodwoo a obiara renyi no hu.+
28 Na wo, m’akoa Yakob, nsuro,’ Yehowa asɛm ni, ‘efisɛ meka wo ho.+ Mɛhyew aman a mabɔ mo ahwete so no nyinaa ase,+ na wo de, merenhyew w’ase.+ Nanso mɛteɛ wo so sɛnea ɛfata,+ na meremma womfa wo ho nni.’”+
