Yeremia 49:1-39
49 Nea Yehowa aka akyerɛ Ammonfo+ ni: “Israel nni mma, anaa onni ɔdedifo? Dɛn nti na Malkam+ afa Gad+ na ne nkurɔfo akɔtenatena Israel nkurow+ mu yi?”
2 “‘Enti hwɛ! Nna bi reba,’ Yehowa asɛm ni, ‘na mɛma wɔate ɔko torobɛnto+ a etia Ammonfo kurow Raba,+ na ɛbɛdan amamfõ siw,+ na wɔde ogya+ bɛto ɛho nkurow+ mu.’
“‘Na Israel bɛfa wɔn a wɔtete mu no adi wɔn so,’+ Yehowa na waka.
3 “‘Hesbon,+ twa adwo,+ efisɛ wɔasɛe Ai! Raba ho nkurow, monteɛteɛm. Mumfurafura atweaatam.+ Mommɔ abubuw na munni akɔneaba wɔ abo nguannan mu, efisɛ Malkam bɛkɔ nkoasom+ mu, ɔne n’asɔfo ne ne mpanyimfo nyinaa.+
4 O ɔbabea okontomponi, dɛn nti na wode w’asasetaw hoahoa wo ho, w’asase a ɛsen nsu no,+ wo a wode wo ho ato emu ademude+ so, na woka sɛ: “Hena na ɔbɛba me so” no?’”+
5 “‘Hwɛ, mede ahude fi wɔn a wɔatwa wo ho ahyia nyinaa mu reba wo so,’+ Awurade Tumfoɔ,+ asafo Yehowa asɛm ni. ‘Na wɔbɛbɔ mo ahwete ma obiara de n’ani akyerɛ baabi,+ na obiara remmoaboa wɔn a wɔreguan no ano.’”
6 “‘Nanso akyiri yi, mɛsan aboaboa Ammon atukɔfo no ano,’+ Yehowa asɛm ni.”
7 Nea asafo Yehowa aka wɔ Edom ho ni: “Nyansa+ nni Teman+ bio anaa? Afotu abɔ nhumufo? Wɔn nyansa no aporɔw+ anaa?
8 Dedanfo+ ee, munguan!+ Muntu mmirika! Monkɔpɛ baabi ntɛw!+ Na mede amanehunu bɛba Esau so bere a mede m’ani besi ne so no.+
9 Sɛ wɔn a wɔtetew bobe ba a, anka wɔrennyaw bi wɔ ase? Sɛ akorɔmfo ba anadwo a, nea wɔpɛ nkutoo na wɔbɛfow.+
10 Nanso me de, mɛyɛ Esau kwaterekwa.+ Mɛma ne hintabea ho ada hɔ,+ na obi rentumi nhintaw.+ N’asefo ne ne nuanom ne wɔn a wɔtete ne nkyɛn bɛsɛe,+ na ɔbɛyera.+
11 Gyaw wo nnyanka,+ na me de mɛhwɛ wɔn, na w’akunafo benya me mu ahotoso.”+
12 Nea Yehowa aka ni: “Hwɛ! Wɔn a wɔntaa nnom kuruwa no ano mpo bɛnom ara.+ Na wo na wobɛfa wo ho adi anaa? Woremfa wo ho nni, nom ara na wobɛnom.”+
13 “Maka me ho ntam,”+ Yehowa asɛm ni, “sɛ ahodwiriwde+ ne ahohorade ne amamfõ ne nnome na Bosra+ bɛyɛ, na ne nkurow nyinaa nso bɛdan amamfõ akosi daa.”+
14 Mate amanneɛbɔ bi afi Yehowa hɔ, na wasoma abɔfo kɔ amanaman no mu sɛ: “Mommoaboa mo ho nkɔ no so, na monsɔre nkɔko.”+
15 “Hwɛ, mayɛ wo ketewa wɔ amanaman no mu, na wɔmfa wo nyɛ hwee nnipa mu.+
16 Ahopopo a wode aba nkurɔfo so ne wo komam ahantan na adaadaa wo,+ wo a wode abotan ayɛ wo fie, faako a ɛhɔ korɔn no. Woyɛ wo berebuw ɔsorosoro sɛ ɔkɔre,+ nanso ɛhɔ na meyi wo afi asi fam,”+ Yehowa asɛm ni.
17 “Edom bɛdan ahodwiriwde,+ na obiara a otwam wɔ hɔ no de ahodwiriw bɛhwɛ na wabɔ hwirema, n’amanehunu no nyinaa nti.+
18 Sɛnea wobutuw Sodom ne Gomora ne ɛho nkurow no,”+ Yehowa asɛm ni, “saa ara na obiara rentena hɔ, na ɔdesani biara rensoɛ hɔ.+
19 “Hwɛ! Obi bɛsɔre sɛ gyata+ afi Yordan kwaebirentuw no mu aba hintabea hɔ,+ nanso mɛma waguan afi ne mu ntɛm.+ Nea wɔapaw no na mede no besi no so. Hena na ɔte sɛ me?+ Hena na ɔne me bedi asi,+ na hena ne oguanhwɛfo a obetumi agyina m’anim?+
20 Enti afei, muntie nea Yehowa abɔ ne tirim sɛ ɔde bɛyɛ Edom+ ne nea wasusuw sɛ ɔbɛyɛ Temanfo:+ Ampa, wɔbɛtwe nguammaa no ase. Ampa, wɔn nti, ɔbɛma wɔn tenabea adan amamfõ.+
21 Wɔbɛhwe ase birim ama asase awosow.+ Wɔreteɛteɛm!+ Wɔte dede no wɔ Po Kɔkɔɔ+ no ho.
22 Hwɛ! Obi fi soro bɛtow aba ne so sɛ ɔkɔre,+ na ɔbɛtrɛw ne ntaban mu aba Bosra so,+ na da no, Edom nnɔmmarima koma bɛyɛ sɛ ɔbea a ɔwɔ awoko yaw+ mu koma.”
23 Damasko+ de ni: “Hamat+ ne Arpad+ ani awu, efisɛ asɛmmɔne na wɔate. Wɔn koma atu.+ Ɛpo rebu fa so; entumi nyɛ dinn.+
24 Damasko koma atu. Wadan ne ho aguan, na ehu aka no.+ Ahohia ne awoko yaw akita no sɛ ɔbea a ɔrewo.+
25 Dɛn nti na wonnyaw ayeyi kurow no, ahosɛpɛw kurow+ no?
26 “Enti ne mmerante bɛtotɔ ne mmɔnten so, na mmarima a wɔkɔ ɔsa nyinaa bɛyɛ dinn ɛda no,”+ asafo Yehowa asɛm ni.
27 “Mɛto Damasko fasu mu gya, na ɛbɛhyew Ben-Hadad+ abannennen no.”
28 Kedar+ ne Hasor+ ahenni a Babilon hene Nebukadresar sɛee no no,+ nea Yehowa aka wɔ ho ni: “Monsɔre, monkɔ Kedar na monkɔsɛe Apueifo+ no.
29 Wɔbɛfa wɔn ntamadan+ ne wɔn nguan+ ne wɔn ntamadan ho ntama+ ne wɔn nneɛma nyinaa. Wɔbɛfa wɔn yoma+ afi wɔn ho akɔ, na wobesu akyerɛ wɔn sɛ, ‘Ahude atwa yɛn ho ahyia!’”+
30 “Munguan, munguan nkɔ akyirikyiri. Hasorfo,+ monkɔpɛ baabi ntɛw,” Yehowa asɛm ni. “Efisɛ Babilon hene Nebukadresar+ abɔ mo ho pɔw bɔne, na wadwen mo ho adwemmɔne.”
31 “Monsɔre, momforo nkɔ ɔman a biribiara nhaw wɔn,+ na wɔte hɔ dwoodwoo+ no so!” Yehowa asɛm ni.
“Enni apon na enni mmeamu. Wɔn nko ara na wɔte hɔ.+
32 Wɔn yoma+ bɛyɛ afowde, na wɔbɛfom wɔn nyɛmmoa bebrebe no. Mɛbɔ wɔn ahwete mframa nyinaa ano,+ wɔn a wɔatwitwa wɔn bogyesɛ+ no; mede mmusu fi nkurow a ɛbemmɛn nyinaa so aba wɔn so,” Yehowa asɛm ni.
33 “Na Hasor+ bɛdan sakraman+ atenae ne daa amamfõ. Obiara rentena hɔ, na ɔdesani biara rensoɛ hɔ.”+
34 Yehowa asɛm a ɛbaa odiyifo Yeremia nkyɛn a ɛfa Elam+ ho, Yuda hene Sedekia+ ahenni mfiase ni:
35 “Nea asafo Yehowa aka ni, ‘Hwɛ merebebubu Elam agyan,+ n’ahoɔden mfiase no.
36 Mede mframa anan befi ɔsoro afanan aba Elam so.+ Mɛbɔ wɔn ahwete mframa yi nyinaa ano,+ na ɔman bi nni hɔ a Elamfo a wɔabɔ wɔn ahwete+ no renkɔ hɔ.’”
37 “Na mebubu Elamfo wɔn atamfo anim, ne wɔn a wɔrehwehwɛ wɔn kra no anim. Mede mmusu ne m’abufuhyew+ bɛba wɔn so,” Yehowa asɛm ni. “Na mɛsoma nkrante adi wɔn akyi kosi sɛ mɛma wɔn ase ahyew.”+
38 “Mede m’ahengua besi Elam,+ na mɛsɛe ɔhene ne ne mpanyimfo afi hɔ,” Yehowa asɛm ni.
39 “Na ɛbɛba sɛ awiei nna no mu no,+ mɛsan aboaboa Elam+ atukɔfo ano,” Yehowa asɛm ni.
