Yeremia 5:1-31
5 Munkyin Yerusalem mmorɔn so, na monhwɛ ɛ, na munhu, na monhwehwɛ ne mmɔnten so nhwɛ, sɛ mubehu onipa+ bi anaa; obi a odi asɛntrenee+ na ɔhwehwɛ nokware.+ Anka mede befiri kurow no.
2 Sɛ wɔka sɛ: “Sɛ́ Yehowa te ase yi!” mpo a, ɛyɛ ntanhunu na wɔka.+
3 O Yehowa, ɛnyɛ nokwaredi+ na w’aniwa hwɛ anaa? Woabobɔ wɔn,+ nanso ante wɔn.+ Wotɔree wɔn ase.+ Wɔpoo nteɛso.+ Wɔmaa wɔn anim yɛɛ den sen ɔbotan.+ Wɔansan wɔn akyi.+
4 Me ara mekae sɛ: “Eyinom yɛ famfam nnipa. Wɔadi nkwaseasɛm, efisɛ wɔabu wɔn ani agu Yehowa kwan ne wɔn Nyankopɔn atemmu so.+
5 Mesim akɔ atitiriw no nkyɛn na me ne wɔn akɔkasa;+ ebia wɔn de, wɔahu Yehowa kwan ne wɔn Nyankopɔn atemmu.+ Nanso wɔn nyinaa abubu kɔndua no; wɔatetew nhama no mu.”+
6 Ɛno nti na kwae mu gyata atow ahyɛ wɔn so, na sare so pataku asɛe wɔn,+ na ɔsebɔ atɛw wɔn nkurow ho no.+ Obiara a ofi adi fi mu no, wɔbɛtetew no asinasin efisɛ wɔn amumɔyɛ dɔɔso, na wɔn mmarato nni ano.+
7 Eyi de, ɛbɛyɛ dɛn na mede afiri wo? Wo mma agyaw me, na wɔka nea ɛnyɛ+ Onyankopɔn ntam.+ Mema wɔmee,+ nanso wɔsɛee aware ara,+ na wɔboom yuu kɔɔ ɔbea aguaman fie.
8 Wɔte sɛ apɔnkɔ a wɔn ho asɔresɔre a wɔn hwewa ayeyere. Wosu di wɔn yɔnko yere akyi.+
9 “Eyinom nti, merentua wɔn so ka anaa?” Yehowa asɛm ni.+ “Na me kra rentɔ were ɔman a ɛte sɛ eyi so anaa?”+
10 “Momforo ne bobe nturo na monsɛe no,+ nanso monntɔre ase korakora.+ Mompempan ne mmaa foforo no, efisɛ ɛnyɛ Yehowa dea.+
11 Na nkontompo na Israel fie ne Yuda fie atwa me,” Yehowa asɛm ni.+
12 “Wɔapo Yehowa na wɔka sɛ, ‘Onni hɔ.+ Mmusu bi remma yɛn so, na yɛrenhu nkrante anaa ɔkɔm nso.’+
13 Na adiyifo no adan mframa, na m’asɛm nni wɔn mu.+ Saa ara na ɛbɛto wɔn.”
14 Enti nea asafo Yehowa Nyankopɔn aka ni: “Eyi a moaka nti, hwɛ, mɛma m’asɛm a ɛwɔ w’anom ayɛ ogya,+ na ɔman yi adan nnyina na ahyew wɔn.”+
15 “Hwɛ, mede ɔman bi fi akyirikyiri reba mo so,+ O Israel fie,” Yehowa asɛm ni. “Ɛyɛ ɔman a akyɛ,+ ɔman a ɛwɔ hɔ fi teteete; ɔman a munnim wɔn kasa, na monte nea wɔka no ase.
16 Wɔn agyan kotoku te sɛ ɔdamoa a wɔnkataa so; wɔn nyinaa yɛ nnɔmmarima.+
17 Wobedi wo nnɔbae ne w’aduan.+ Wɔbɛmemene wo mmabarima ne wo mmabea. Wobedi wo nguan ne w’anantwi. Wobedi wo bobe ne wo borɔdɔma nnua.+ Wɔde nkrante bebubu wo nkurow a wɔabɔ ho ban a wode wo ho ato so no.”
18 “Nanso saa nna no mu no,” Yehowa asɛm ni, “merensɛe mo pasaa.+
19 Na ɛbɛba sɛ mobɛka sɛ, ‘Dɛn nti na Yehowa, yɛn Nyankopɔn ayɛ yɛn saa ade yi nyinaa?’+ Na ka kyerɛ wɔn sɛ, ‘Sɛnea moagyaw me akɔsom ananafo nyame wɔ mo asase so no, saa na mobɛsom ananafo, asase a ɛnyɛ mo de so.’”+
20 Monka wɔ Yakob fie, na mommɔ no dawuru wɔ Yuda, sɛ:
21 “Muntie eyi ɛ, ɔman nkwaseafo a munni ti:+ Wɔwɔ aniwa, nanso wonhu ade;+ wɔwɔ aso, nanso wɔnte asɛm.+
22 ‘Enti munsuro me anaa?’+ Yehowa asɛm ni, ‘anaasɛ me nti munni yaw a emu yɛ den anaa?+ Me na mede anhwea atwa po ano hye, de ayɛ daa ahyɛde a entumi ntra; na sɛ n’asorɔkye bɔ mpo a, entumi no, na sɛ ehuru sɛ dɛn ara a, entumi ntra.+
23 Na ɔman yi anya asoɔden ne atuatew koma; wɔaman, na wɔnam wɔn kwan so.+
24 Wɔanka wɔn komam sɛ: “Afei de, momma yensuro Yehowa yɛn Nyankopɔn,+ nea ɔtɔ osu, na ɔma adonsu ne asusow wɔ ne bere mu,+ nea ɔhwɛ otwabere adapɛn a wɔahyɛ so ma yɛn no.”+
25 Mo mfomso na ama moahwere nneɛma yi, na mo bɔne na ama nneɛma pa abɔ mo.+
26 “‘Efisɛ wohu abɔnefo wɔ me man mu.+ Wɔtetɛw daa sɛnea nnomaayifo butubutuw.+ Wɔasum afiri a ɛsɛe ade. Nnipa na wɔde yi wɔn.
27 Sɛnea nnomaa dɔɔso wɔ buw mu no, saa na nnaadaa ayeyɛ wɔn afie amaama.+ Ɛno nti na wɔayeyɛ akɛse na wɔanya wɔn ho no.+
28 Wɔadodɔ srade,+ na wɔayɛ fɔɔfɔɔ. Nnebɔne nso ahyɛ wɔn ma abu so. Wonni obiara asɛm mma no;+ wonni agyanka+ mpo asɛm mma no na ama wɔadi yiye.+ Ahiafo nso, wommu atɛn mma wɔn.’”
29 “Eyinom nti, merentua wɔn ka anaa?” Yehowa asɛm ni. “Na me kra rentɔ were ɔman a ɛte sɛ eyi so anaa?+
30 Ahobowde ne ahodwiriwde na wɔde aba asase no so:+
31 Adiyifo no hyɛ nkɔntoro;+ asɔfo no nso, wɔde wɔn ahoɔden di nkurɔfo so.+ Me man nso pɛ no saa.+ Na awiei no, mobɛyɛ dɛn?”+
