Yesaia 16:1-14
16 Momfa odwennini mfi Sela mfa sare so nkɔma asase no so hene+ wɔ Sion babea bepɔw so.+
2 Nea ɛbɛto Moab mmabea wɔ Arnon+ asutwaree no bɛyɛ sɛ anomaa a wɔapam no afi ne berebuw mu a ɔreguan.+
3 “Momfa mo afotu mmra, munsi gyinae.+
“Edu awia ketee a, ma wo nwini nyɛ sɛ anadwo.+ Wɔn a wɔahwete no, fa wɔn sie;+ na wɔn a wɔreguan no, nyi wɔn mma.+
4 O Moab, ma me nkurɔfo a wɔahwete no ntena wo nkyɛn sɛ ahɔho.+ Wɔn a wobeguan afi ɔsɛefo+ no anim no, ma wɔn baabi nhintaw. Nea ɔhyɛ wɔn so no awiei adu; apoobɔ no to atwa; na wɔn a wotiatia afoforo so no asa afi asase so.+
5 “Wɔde ahengua bi betim hɔ adɔe so,+ na obi bɛtena so nokwaredi mu wɔ Dawid ntamadan mu.+ Obebu atɛn ahwehwɛ atɛntrenee, na ɔbɛyɛ adetrenee ntɛm.”+
6 Yɛate Moab ahomaso no, sɛ ɔyɛ dwae papaapa.+ Na yɛate n’ahantan ne n’ahokyerɛ ne n’abufuw no.+ Nanso n’ahohoahoa nyinaa yɛ kwa.+
7 Enti Moab betwa n’amanehunu ho adwo, Moabfo nyinaa betwa adwo.+ Wɔn a wɔn ho hiahia wɔn yi bedi abooboo, Kir-Hareset+ bobe tetare nti,
8 efisɛ Hesbon+ afuw ahyew. Na Sibma+ bobe nso, aman no atumfoɔ abubu ne mmãã a aba wɔ so no. Akodu Yaser,+ na ekyinkyin sare so. Ne mmãã mu atrɛtrɛw akotwa po.
9 Eyi nti mede osu a misu Yaser no bi besu Sibma bobe.+ Mede me nusu bɛfɔw wo, Hesbon+ ne Eleale+ nso, efisɛ wɔteɛteɛm gu w’ahohuru bere ne wo twabere so.+
10 Wɔapam anigye ne ahosɛpɛw afi turo no mu; ahurusi dwom ne nteɛteɛm ayera afi bobe nturo mu.+ Nsãkyifo nnya nsã nkyi wɔ nsã-kyi-amoa mu bio.+ Mama nteɛteɛm to atwa.+
11 Eyi nti me nsono mu wosow te sɛ sanku wɔ Moab ho,+ na me yam hyehye me wɔ Kir-Hareset ho.+
12 Na ɛbɛdaa adi sɛ sɛ Moab ba koko so bɛsom+ a, ɔbrɛ kwa, na sɛ ɔba n’asɔrefie bɛbɔ mpae+ a, onnya hwee.+
13 Eyi ne asɛm a Yehowa aka dedaw afa Moab ho.
14 Yehowa aka nso sɛ: “Akyɛ koraa mfe abiɛsa, sɛnea wobu ɔpaani mfe no,+ Moab anuonyam+ bebutuw na aporɔw atetew koraa, na wɔn a wɔbɛka no bɛyɛ kakraa bi, wɔrenyɛ den.”+