ASƐMMISA 2
Wobɛyɛ Dɛn Asua Onyankopɔn Ho Ade?
“Mma Mmara nhoma yi mmfi w’anom, na mmom kenkan na dwinnwen ho awia ne anadwo na woadi nea wɔakyerɛw wom nyinaa so pɛpɛɛpɛ. Woyɛ saa a, ebesi wo yiye na woayɛ w’ade nyansam.”
“Wɔtoaa so kenkan nokware Nyankopɔn no Mmara nhoma no den, na wɔkyerɛkyerɛɛ mu maa emu daa hɔ fann, na wɔboaa ɔman no ma wɔtee nea wɔrekenkan no ase.”
“Anigye ne onipa a ɔmfa abɔnefo afotu mmɔ ne bra, . . . mmom n’ani gye Yehowa mmara ho, na ɔkenkan Ne mmara no dwinnwen ho awia ne anadwo. . . . Nea ɔyɛ biara bewie yiye.”
“Filipo tuu mmirika kɔɔ ho, na ɔtee sɛ ɔrekenkan odiyifo Yesaia nhoma no den. Ɛnna obisaa no sɛ: ‘Wote nea worekenkan no ase?’ Ɔkae sɛ: ‘Sɛ obi ankyerɛ me a, mɛyɛ dɛn atumi ate ase?’”
“Ne suban ahorow a nnipa ntumi nhu, a ɛno ne ne tumi a ɛwɔ hɔ daa ne Onyankopɔn ko a ɔyɛ no, ada adi pefee fi bere a ɔbɔɔ wiase, na wɔnam nneɛma a wayɛ so na ehu, enti wonni anoyi biara.”
“Dwinnwen eyinom ho; fa w’adwene nyinaa si so, na ama nnipa nyinaa ahu wo nkɔso.”
“Momma obiara nnwen ne yɔnko ho, sɛnea ɛbɛyɛ a obiara bɛkanyan ne yɔnko ama wada ɔdɔ adi na wayɛ nnwuma pa. Na mommma yennnyae sɛ yɛne yɛn ho behyiam.”
“Sɛ mo mu bi hia nyansa a, ma ɔnkɔ so mmisa Onyankopɔn, na ɔde bɛma no, efisɛ oyi ne yam kyɛ nnipa nyinaa ade a animtiaabu biara nnim.”
