Mmebusɛm 25:1-28
25 Eyinom nso yɛ Solomon mmebusɛm+ a Yuda hene Hesekia+ mmarima kyerɛwee:*
2 Onyankopɔn anuonyam ne asɛm a wɔkora so,+Na ahemfo anuonyam ne sɛ wɔbɛhwehwɛ asɛm mu.
3 Sɛnea ɔsoro ware na asaase mu dɔ no,Saa ara na ahemfo komam te; wɔrentumi nhwehwɛ mu nwie.
4 Yiyi dwetɛ mu fĩ,Na ne nyinaa bɛyɛ dwetɛ amapa.+
5 Yi ɔbɔnefo fi ɔhene anim,Na n’ahengua betim wɔ trenee mu.+
6 Nhyɛ wo ho anuonyam wɔ ɔhene anim,+Na nkogyina baabi a atitiriw gyina.+
7 Efisɛ eye sɛ ɔbɛka akyerɛ wo sɛ: “Bra soro ha,”
Sen sɛ obegu w’anim ase wɔ otitiriw anim.+
8 Mpere wo ho nkɔtwe manso,Na sɛ akyiri yi wo yɔnko gu w’anim ase a, dɛn na wobɛyɛ?+
9 Wo ne wo yɔnko wɔ asɛm a, wo ne no nsiesie,+Na nyi kokoam nsɛm* adi,+
10 Sɛnea ɛbɛyɛ a, nea ɔretie wo no rengu w’anim ase,Na woankeka nsɛmmɔne* a worentumi ntwe nsan.
11 Sɛnea sika kɔkɔɔ aduaba* a egu dwetɛ anwenne* mu te no,Saa ara na asɛm a wɔka wɔ bere a ɛfata mu te.+
12 Sɛnea sika kɔkɔɔ asomuade ne sika kɔkɔɔ amapa agude te no,Saa ara na onyansafo a ɔkasa kyerɛ nkurɔfo nso te ma aso a etie asɛm.+
13 Sɛnea sukyerɛmma nwini te wɔ twabere mu no,Saa ara na ɔsomafo nokwafo te ma wɔn a wɔsomaa no no,Efisɛ ɔma ne wura* ho dwo no.+
14 Sɛnea amununkum ne mframa a osu nni mu te no,Saa ara na onipa a odwa n’anom sɛ ɔbɛkyɛ ade nanso ɔnkyɛ no* te.+
15 Ntoboase na wɔde sesa ɔsahene adwene,Na tɛkrɛma a edwo* tumi bu dompe mu.+
16 Sɛ wunya ɛwo a, di nea wuhia nko ara,Efisɛ wudi boro so a, anhwɛ a wobɛfe.+
17 Ntaa nkɔ* wo yɔnko fi,Anyɛ saa a, wo ho bɛfono no ama watan wo.
18 Sɛnea aporibaa a wɔde kɔ ɔko ne sekan ne agyan a ano yɛ nnam te no,Saa ara na onipa a odi ne yɔnko ho adanse a ɛnyɛ nokware no te.+
19 Sɛnea ɛse a abubu, ne nan a afekyere te no,Saa ara na ahotoso a wonya wɔ okontomponi* mu wɔ amanehunu bere mu no te.
20 Nea ɔto nnwom kyerɛ koma a ɛredi awerɛhow no,Ɔte sɛ obi a oyi n’ataade wɔ awɔw bere mu,Anaa nsã a emu kaw a wohwie gu nkyene* so.+
21 Sɛ ɔkɔm de wo tamfo a,* ma no aduan nni;Sɛ osukɔm de no a, ma no nsu nnom,+
22 Woyɛ saa a, na woreboaboa nnyansramma ano agu n’apampam,*+Na Yehowa bɛma wo akatua.
23 Atifi mframa ma osu tɔ,Na tɛkrɛma a edi nseku ma onipa muna.+
24 Eye sɛ wobɛtena mmantwea baabi wɔ ɔdan atifiSen sɛ wo ne ɔyere a ɔpɛ ntɔkwaw* bɛtena ofi baako mu.+
25 Sɛnea nsuonwini yɛ ɔkra* a wabrɛ no,Saa ara na amanneɛbɔ pa a efi akyirikyiri asaase so te.+
26 Sɛnea asuti a wɔayɛ no fĩ ne abura a asɛe te no,Saa ara na ɔtreneeni a ogyaa ne ho ma ɔbɔnefo* te.
27 Ɛnyɛ papa sɛ wubedi ɛwo pii,+Na anuonyam biara nnim sɛ obi bɛhwehwɛ ɔno ara anuonyam.+
28 Sɛnea kurow a wɔabubu n’afasu te no,Saa ara na onipa a ontumi nhyɛ n’abufuw so* te.+
Ase Hɔ Nsɛm
^ Anaa “hwɛɛ so kyerɛwee na wɔhyehyɛe.”
^ Anaa “nkurɔfo ahintasɛm.”
^ Anaa “Na woansɛe nkurɔfo din.”
^ Anaa “aprɛ.”
^ Anaa “nkɛntɛn.”
^ Anaa “ne wura kra.”
^ Nt., “nkontompo akyɛde.”
^ Anaa “ɛda brɛoo; ɛyɛ bɔkɔɔ.”
^ Anaa “Mma wo nan nnyɛ ntiantia.”
^ Ebetumi nso akyerɛ, “ɔdaadaafo.”
^ Anaa “soda a wɔde yɛ samina.”
^ Nt., “obi a ɔtan wo.”
^ Kyerɛ sɛ, wobɛma onipa no abufuw no anan akɔ, te sɛ nea na wɔde dade a ɛyɛ den to gya mu ma ɛnan no.
^ Anaa “gyigyefo.”
^ Hwɛ Nkyerɛkyerɛmu afã hɔ.
^ Anaa “ɔde n’adwene ma ɔbɔnefo no te.” Nt., “ne ho popo ɔbɔnefo anim.”
^ Anaa “ne honhom so.”
